2012未日預言

聖誕節果日(多謝二佬借出DVD)
我哋一家三口睇咗 "2012未日預言"
我唔係影評家, 唔識用什麼專業角度去評論呢套電影
總之睇得我明, 有內容之餘
而有get 到當中帶出嚟嘅訊息
對我嚟講已經係一套好戲

睇完嘅當晚
臨瞓前, 我腦裡面出現咗好多戲裡面嘅畫面
究竟2012係咪真係會世界未日呢?
如果係嘅話, 有幾多人可以幸免呢?
當知道即將世界未日果一刻, 你想點迎接呢場浩劫呢?
我宜家係咪應該同我老公去學揸飛機呢?
越諗就越心寒, 再望一望我身邊熟睡緊嘅靖甄
不禁問自己..... 我有冇能力可以好好保護佢呢?........
唉 ! 都係唔好諗咁多嘞,
冇奶油要我浪費時間去思考一d
連科學家都解決唔到嘅問題
繼續貫徹我做人嘅態度

珍惜你現在擁有嘅；
忘記你以前失去嘅；
放低你一直執著嘅!

09年的平安夜

今日係平安夜 ,今朝返工
覺得街上每一個人都滿面笑容
男男女女都打扮得寜舍醒神<(￣︶￣)>　
今晚冇特別節目，只想平平安安同老公&靖甄响屋企渡過
講真 .... 可能真係老喇 ˋ(′～‵)ˊ
我同老公真係冇興趣 & 冇呢份幹勁出去 count down
呢d活動都係留返俾d後生仔女去做

今日放早咗1個鐘，揸住一大袋材料急步返屋企準備大餐
雖然唔算係好豐富，但我真係好用心去煮嫁 (￣ˇ￣)
我準備晚餐嘅時候
聽到老公 & 靖甄响客廳一邊唱聖誕歌一邊玩∩︿∩
原來小朋友笑聲喺聖誕歌襯托底下，係特別好聽 ♩ ♪ ♬ ♫
 
因為我想食得開開心心, 所以我一早同老公協議咗
即使靖甄食嘢食到周圍都係 , 都唔好鬧佢 
喺唔係惡意破壞 & 安全嘅原則底下
由得佢自己食自由發揮
務求要開開心心一家人慶祝平安夜<(￣︶￣)>　
 
 
 
 
 
 
 

「光纖之父」高錕的啓示

今日返工响車箱裡面見到「光纖之父」高錕係瑞典接受諾貝爾物理學獎的新聞，
車箱裡面每一個乘客嘅視線都不其然望向個電視。
好感慨.....一生嘅成就竟然敗落 "老人癡呆症" 手上.......好殘忍 ........
所以，我一定要好好記低屬於我嘅回憶，
我好怕到將來連僅有嘅回憶都冇埋, 咁就埋單 ><"
我唔怕死，我最怕連自己最愛嘅人和事都冇能力記住 !

學前班面試 - 樂基幼兒學校(九龍塘)

面試日期 : 09年12月5日(星期六) 1:45PM

真係唔知好彩定唔好定，今次in靖甄果個係鬼婆，
話時話個樣真係幾索嫁，仲好nice。

面試分兩part，問家長 :
1) 平時邊個負責湊小朋友 ?
2) 小朋友幾點瞓 ?
3) 小朋友平時做d咩 ?
4) 平日用邊種語言溝通 ?

跟住就開始考靖甄 :
1) 你叫咩名
2) 老師叫靖甄指出邊個係爸爸、邊個係媽媽
3) 老師拎咗一條紅色羽毛，掃一掃靖甄手仔。然後叫靖甄將條羽毛俾爸爸
4) 再拎一條黃色羽毛出嚟，叫靖甄俾媽媽
5) 有3張卡，分別係 Apple, Orange, Banana，問靖甄邊張係 banana 邊張係 apple
6) 有3張卡，分別係frog, dog, cat , 問靖甄邊張係cat
呢part 靖甄答錯咗，佢指咗 dog, 老師再問多一次，靖甄就指返cat
7) 問靖甄 eye 同 mouth 喺邊
8) 要求靖甄同佢 five me give
9 ) 拎咗4個size唔同嘅積木，要靖甄由大至細砌高

最後MISS 送咗一份禮物俾靖甄，
靖甄講咗 "thank you" 就急不及待想走，
要我提醒佢同miss say goodbey !

面試後感 :
學校安排得好好 ( 但校方唔俾我哋影相 )
當日都係等咗10分鐘左右就有得 in,
仲可以俾兩位家長一齊陪小朋友interview，
但我真係冇諗過佢哋會問d咁深嘅問題考小朋友，
當時我真係驚學校搞錯咗，以為靖甄考 K1，
其實我已經好滿意靖甄嘅表現，佢玩咗套教材年幾，真係可以學以致用。
唯獨美中不足，係我自己冇做足準備功夫，
我一直都冇諗過負責in我哋嗰個係外籍教師.....
自己喺毫無心理準備下講英文..... 唉 ! 當然有d " 甩甩 cut cut " 啦 !
in 完果日都有少少怪責自己，但第二日我就原諒返自己 heheeeee
因為我唔想迫得自己咁緊，我怕我會癲 ><"
將來, 靖甄嘅成長路程仲有大把麻煩嘢圍繞住我，
所以有時候真係要學識放手、放低執著!
對於今次面試結果，我一如以往嘅態度..... 9成9唔得
2000人得80個學位，邊有可能輪到靖甄呀....
我唔係睇少自己個女，而係我完全明白呢個遊戲規則，
總之一齊以平常心對待！