校園生活 (Pre-Nursery) - 適應週第三天

日期：2010年9月3日 (星期五)

今日係適應期第三日，亦代表返學嘅蜜月期即將結束，惡夢即將來臨o(︶︿︶)o
靖甄今日入到班房，嘗試搵返佢個locker 放低書包再返回坐位，而我都盡量唔幫佢，希望佢可以學懂要照顧自己。佢亦開始了解、明白每一時段要做d乜。今日學校安排咗親子做勞作，用紙袋做咗一個 bear bear ！完成作品後靖甄雙手遞個 bear bear 俾我，話「媽媽送俾你」。唉 ! 篤中我死穴(￣﹏￣) 即時同自己講「唔好咁樣衰，唔好喊，要忍住要忍住」。
今日時間過得特別快，連我都好唔捨得，放學前靖甄同我講「係唔係要走啦 ? 我唔要返屋企」(⊙＿⊙)，隔籬同學仔嘅媽媽聽到都不禁大笑。我心諗 …. 「靖甄，下星期冇人陪你上堂，你就知味道。」 ╮(╯3╰)╭　

靖甄是日表現：好開心、開始投入校園生活。