玩具篇 - 交通工具

“買錯玩具教錯仔” 書中嘅作者提到，小朋友其實比較鍾意玩d現實生活中能夠接觸到嘅物件，但大部份家長⊙﹏⊙(包括我) 會好主觀地選擇一d以卡通人物為主題嘅玩具俾小朋友。

上星期六同靖甄去旺角睇醫生，見佢咁乖就破例一次帶佢去買玩具。今次係佢第一次去玩具舖可以帶佢心愛嘅玩具返屋企。事前同佢講好今次買玩具嘅題目係「交通工具」其他就一律唔買。佢好乖，我知佢睇中咗套煮飯仔，但佢都好守承諾，一邊摸住套煮飯仔一邊話「摸摸就得，唔買嫁」。一家三口响玩具舖搜尋「交通工具」，過程真係好開心，靖甄不停搵不停講「睇吓 ! firetrack 呀」、「嘩 ! 巴士呀」最後 total 買咗6樣，但美中不足係買唔到靖甄心愛嘅火車 & 飛機(╯_╰)。愛女心切嘅爸爸唔想靖甄失望，見到 thomas有一套火車幾靚，同靖甄講不如買呢套啦，但靖甄居然話「呢個係 thomas，我要買坐返屋企嗰個火車，爸爸你擺返好佢啦，整爛咗叔叔會鬧」(⊙▽⊙)"

今次呢6樣「交通工具」都幾好，最主要係玩具標明係「香港交通工具」，都有8、9成相似。價錢亦算合理<(￣︶￣)> $18.00 一件。