日期 : 2010年8月14日 (星期六)
因應校方要求每一個學生要由醫生填寫一份「健康紀錄表」。今日出旺角搵返靖甄睇開嗰位兒科醫生幫佢 bodycheck，順便幫佢打埋「甲型肝炎」預防針。
事前已經同靖甄講解今日去睇醫生嘅目的，佢聽到要打針當然好抗拒啦(︶︿︶) 大滴大滴眼淚話唔打針唔睇醫生。
(▔﹏▔)但我同佢講「因為你9月要返學，學校唔俾有蟲蟲嘅小朋友返學，所以醫生叔叔要幫靖甄打針，咁就冇咁易病，同埋今次唔洗食藥」靖甄聽到唔洗食藥，叮時收晒聲╮(╯3╰)╭
為咗安撫靖甄不安情緒，因應靖甄嘅要求今朝帶佢去飲茶，食佢心愛嘅叉燒酥 &流沙飽。佢亦好乖肯遵守承諾冇扭計話唔去診所，去到診所我叫佢拎張針卡俾姑娘登記。入到醫生房，佢遞咗張「健康紀錄表」俾蕭醫生仲同佢講「我要返學，你可唔可以幫我寫寫、幫我打針。」check完一輪到戲肉...... 打針(￣▽￣)" 蕭醫生眼明手快、3秒過後靖甄慘叫一聲，喊住問「係咪可以返學喇?」wakakaaaa 醫生、姑娘、老公同我都俾佢笑死(￣ˇ￣)
沒有留言:
發佈留言