日期：2010年9月3日 (星期五)
今日係適應期第三日，亦代表返學嘅蜜月期即將結束，惡夢即將來臨o(︶︿︶)o
靖甄今日入到班房，嘗試搵返佢個locker 放低書包再返回坐位，而我都盡量唔幫佢，希望佢可以學懂要照顧自己。佢亦開始了解、明白每一時段要做d乜。今日學校安排咗親子做勞作，用紙袋做咗一個 bear bear ！完成作品後靖甄雙手遞個 bear bear 俾我，話「媽媽送俾你」。唉 ! 篤中我死穴(￣﹏￣) 即時同自己講「唔好咁樣衰，唔好喊，要忍住要忍住」。
今日時間過得特別快，連我都好唔捨得，放學前靖甄同我講「係唔係要走啦 ? 我唔要返屋企」(⊙＿⊙)，隔籬同學仔嘅媽媽聽到都不禁大笑。我心諗 …. 「靖甄，下星期冇人陪你上堂，你就知味道。」 ╮(╯3╰)╭
靖甄是日表現：好開心、開始投入校園生活。
2010年9月8日星期三
校園生活( Pre-Nursery) - 適應週第二天
日期：2010年9月2日 (星期四)
經過尋日嘅開學日，靖甄最緊張嘅就係佢個書包(￣﹏￣) 尋晚佢居然要求要攬住個書包瞓覺，佢話好驚爸爸會用佢個書包喎(￣ˇ￣)
今朝一早起身，飲完奶之後靖甄已經急不及待自己執書包，仲話要換校服(￣.￣)，不停叮囑我「媽媽記住九龍塘等，同我一齊返學」。
今日班房明顯比尋日寧靜得多，因為今日只可以由一位家長陪上堂。原本一班28人，今日分開兩組(一組14人) 分兩個時段上堂，由4位老師負責，感覺上安排得幾好。原來進行每一項目都用簡單嘅兒歌代替說話，例如會一邊唱歌一邊收拾玩具、向老師小朋友打招呼會唱午安歌、報告天氣又會唱歌 …… 等等，完完全全係靖甄杯茶。而靖甄當然最鐘意排厠呢個環節，成班小朋友一齊唱「一步一步寶寶愛踏步，一步一步寶寶愛踏步」，列排扮火車踏步去洗手間。茶點時段就成班小朋友一齊祈禱，明顯地呢班小朋友係嬌生慣養，個個自己食嘢嗰陣都手忙腳亂，倫倫盡盡，場面好搞笑。今日茶點係蛋糕仔，靖甄問我「點解冇cream?」(￣▽￣)" 原本唔多想食件蛋糕嘅靖甄，見到老師揸住成堆汽球，老師話要食完茶點飲完水水，收拾好用具，再攞返自己嘅書包乖乖哋坐好就可以帶一個汽球返屋企。靖甄叮時雙眼發光，turbo 做晒老師嘅要求(╯3╰) 小朋友要求真係簡單。快樂嘅一小時咁就完結喇 ! <(￣︶￣)>
靖甄是日表現：好開心、返屋企不停唱「寶寶愛踏步」呢首歌 ♬♪ ♩♭♫
經過尋日嘅開學日，靖甄最緊張嘅就係佢個書包(￣﹏￣) 尋晚佢居然要求要攬住個書包瞓覺，佢話好驚爸爸會用佢個書包喎(￣ˇ￣)
今朝一早起身，飲完奶之後靖甄已經急不及待自己執書包，仲話要換校服(￣.￣)，不停叮囑我「媽媽記住九龍塘等，同我一齊返學」。
今日班房明顯比尋日寧靜得多，因為今日只可以由一位家長陪上堂。原本一班28人，今日分開兩組(一組14人) 分兩個時段上堂，由4位老師負責，感覺上安排得幾好。原來進行每一項目都用簡單嘅兒歌代替說話，例如會一邊唱歌一邊收拾玩具、向老師小朋友打招呼會唱午安歌、報告天氣又會唱歌 …… 等等，完完全全係靖甄杯茶。而靖甄當然最鐘意排厠呢個環節，成班小朋友一齊唱「一步一步寶寶愛踏步，一步一步寶寶愛踏步」，列排扮火車踏步去洗手間。茶點時段就成班小朋友一齊祈禱，明顯地呢班小朋友係嬌生慣養，個個自己食嘢嗰陣都手忙腳亂，倫倫盡盡，場面好搞笑。今日茶點係蛋糕仔，靖甄問我「點解冇cream?」(￣▽￣)" 原本唔多想食件蛋糕嘅靖甄，見到老師揸住成堆汽球，老師話要食完茶點飲完水水，收拾好用具，再攞返自己嘅書包乖乖哋坐好就可以帶一個汽球返屋企。靖甄叮時雙眼發光，turbo 做晒老師嘅要求(╯3╰) 小朋友要求真係簡單。快樂嘅一小時咁就完結喇 ! <(￣︶￣)>
靖甄是日表現：好開心、返屋企不停唱「寶寶愛踏步」呢首歌 ♬♪ ♩♭♫
2010年9月3日星期五
校園生活(Pre-Nursery) – 開學日
半年前開始，已向靖甄灌輸有關返學嘅基本概念，所以佢對返學嘅感覺大致上都幾正面。成日都同我哋講「我9月返學喇 ……」真係話咁快就到喇。原本爸爸打算今日請假陪佢返學，但我拒絕老公呢份心意，因為如果老公响現場反而會令靖甄更加依賴。因為平日帶靖甄返學放學都係婆婆，我想靖甄能夠明白呢種模式，要乖乖哋著整齊嘅校服、要自己預備濕毛巾、手巾、水杯 …… 等等，藉此訓練佢嘅自理能力，唔可以假手於人。
第一日開學返1個鐘 (可由家長陪同)，約咗婆婆响九龍塘火車站等。第一眼見到靖甄著住整齊嘅校服再扎咗兩條孖辮，好感動好感動 …… 非筆墨能形容。靖甄好乖，全程自己行，冇要求我哋抱，仲提醒我哋要小心睇車。
入到課室，有三位老師向靖甄自我介紹，靖甄亦禮貌地逐一打招呼。然後班主任周老師送咗個書包俾靖甄，靖甄開心到好似執到金咁。然後再帶靖甄返回佢自己個位。之後靖甄亦好唔客氣咁攞玩具玩，攞圖書睇。陸陸續續有其他同學仔入課室，一部份表現得好鎮定，有d就喊得好淒涼，有d連課室都唔肯入，靖甄好好奇四周圍望，仲問我「點解d小朋友喊 ?」、「要唔要拎紙巾俾佢哋抺眼淚?」。
一班有28人，但今日課室連埋家長、老師、家傭等等一共百Q幾人，老實講……好嘈好煩，就係咁，開學日就响呢種混亂嘅情況下揭開序幕 ……
靖甄是日表現：冇喊、好開心、仲表示要繼續返學。
第一日開學返1個鐘 (可由家長陪同)，約咗婆婆响九龍塘火車站等。第一眼見到靖甄著住整齊嘅校服再扎咗兩條孖辮，好感動好感動 …… 非筆墨能形容。靖甄好乖，全程自己行，冇要求我哋抱，仲提醒我哋要小心睇車。
入到課室，有三位老師向靖甄自我介紹，靖甄亦禮貌地逐一打招呼。然後班主任周老師送咗個書包俾靖甄，靖甄開心到好似執到金咁。然後再帶靖甄返回佢自己個位。之後靖甄亦好唔客氣咁攞玩具玩，攞圖書睇。陸陸續續有其他同學仔入課室，一部份表現得好鎮定，有d就喊得好淒涼，有d連課室都唔肯入，靖甄好好奇四周圍望，仲問我「點解d小朋友喊 ?」、「要唔要拎紙巾俾佢哋抺眼淚?」。
一班有28人，但今日課室連埋家長、老師、家傭等等一共百Q幾人，老實講……好嘈好煩，就係咁，開學日就响呢種混亂嘅情況下揭開序幕 ……
靖甄是日表現：冇喊、好開心、仲表示要繼續返學。
2010年8月17日星期二
我的低能生活 - 殺死感冒菌 !
7月份因為感冒菌發作開始間歇性地病(︶︿︶)，好返一排又再病過。身體差、精神差而令我心情惡劣，可惡嘅感冒菌完完全全打擾我日常生活(≧o≦)。經過個半月食西藥嘅煎熬，我決定投中棄西，食返幾劑中藥保命(￣.￣)。
經盧醫師打完眽，確實係感冒菌未清同埋困熱，係 ! 呢輪真係燥到爆，心情好煩躁，特別係朝早瞓醒果吓，頭重腳重、攰到好似冇瞓過咁(￣﹏￣)…. 辛苦到死。身體好嗰陣，瞓醒伸個懶腰已經load著部機，呢輪就要花兩個鐘先 load 著，魂魄先至歸位。好彩 ! 食咗兩劑藥 (今次要食4劑 ) 已經渾身是勁，心情亦好咗好多，仲溫柔咗 ! 最重要嘅係老公同靖甄亦係由受害者”升呢”成受惠者。<(￣︶￣)>
經盧醫師打完眽，確實係感冒菌未清同埋困熱，係 ! 呢輪真係燥到爆，心情好煩躁，特別係朝早瞓醒果吓，頭重腳重、攰到好似冇瞓過咁(￣﹏￣)…. 辛苦到死。身體好嗰陣，瞓醒伸個懶腰已經load著部機，呢輪就要花兩個鐘先 load 著，魂魄先至歸位。好彩 ! 食咗兩劑藥 (今次要食4劑 ) 已經渾身是勁，心情亦好咗好多，仲溫柔咗 ! 最重要嘅係老公同靖甄亦係由受害者”升呢”成受惠者。<(￣︶￣)>
玩具篇 - 交通工具
“買錯玩具教錯仔” 書中嘅作者提到，小朋友其實比較鍾意玩d現實生活中能夠接觸到嘅物件，但大部份家長⊙﹏⊙(包括我) 會好主觀地選擇一d以卡通人物為主題嘅玩具俾小朋友。
上星期六同靖甄去旺角睇醫生，見佢咁乖就破例一次帶佢去買玩具。今次係佢第一次去玩具舖可以帶佢心愛嘅玩具返屋企。事前同佢講好今次買玩具嘅題目係「交通工具」其他就一律唔買。佢好乖，我知佢睇中咗套煮飯仔，但佢都好守承諾，一邊摸住套煮飯仔一邊話「摸摸就得，唔買嫁」。一家三口响玩具舖搜尋「交通工具」，過程真係好開心，靖甄不停搵不停講「睇吓 ! firetrack 呀」、「嘩 ! 巴士呀」最後 total 買咗6樣，但美中不足係買唔到靖甄心愛嘅火車 & 飛機(╯_╰)。愛女心切嘅爸爸唔想靖甄失望，見到 thomas有一套火車幾靚，同靖甄講不如買呢套啦，但靖甄居然話「呢個係 thomas，我要買坐返屋企嗰個火車，爸爸你擺返好佢啦，整爛咗叔叔會鬧」(⊙▽⊙)"
今次呢6樣「交通工具」都幾好，最主要係玩具標明係「香港交通工具」，都有8、9成相似。價錢亦算合理<(￣︶￣)> $18.00 一件。
上星期六同靖甄去旺角睇醫生，見佢咁乖就破例一次帶佢去買玩具。今次係佢第一次去玩具舖可以帶佢心愛嘅玩具返屋企。事前同佢講好今次買玩具嘅題目係「交通工具」其他就一律唔買。佢好乖，我知佢睇中咗套煮飯仔，但佢都好守承諾，一邊摸住套煮飯仔一邊話「摸摸就得，唔買嫁」。一家三口响玩具舖搜尋「交通工具」，過程真係好開心，靖甄不停搵不停講「睇吓 ! firetrack 呀」、「嘩 ! 巴士呀」最後 total 買咗6樣，但美中不足係買唔到靖甄心愛嘅火車 & 飛機(╯_╰)。愛女心切嘅爸爸唔想靖甄失望，見到 thomas有一套火車幾靚，同靖甄講不如買呢套啦，但靖甄居然話「呢個係 thomas，我要買坐返屋企嗰個火車，爸爸你擺返好佢啦，整爛咗叔叔會鬧」(⊙▽⊙)"
今次呢6樣「交通工具」都幾好，最主要係玩具標明係「香港交通工具」，都有8、9成相似。價錢亦算合理<(￣︶￣)> $18.00 一件。
打工仔的日子 - 探班
長島さん嘅老婆美佳さん 間唔中會上嚟探班，但佢多數趁佢老公出trip先鼠上嚟，閒話家常之餘當然順便收吓風，check吓佢老公有冇好似我佬細咁有外遇(╯3╰)
日本人嘅禮儀有幾好已經不容置疑，今日美佳さん好有心買咗 Pen記 (Peninsula) 嘅芒果布甸<(￣︶￣)> 同時令日本水果もも(水蜜桃) 。
講真Pen記嘅芒果布甸真係好得(￣ˇ￣)，
但果對桃呢…. 就…. 真係嘛嘛 (￣﹏￣)。
日本人嘅禮儀有幾好已經不容置疑，今日美佳さん好有心買咗 Pen記 (Peninsula) 嘅芒果布甸<(￣︶￣)> 同時令日本水果もも(水蜜桃) 。
講真Pen記嘅芒果布甸真係好得(￣ˇ￣)，
但果對桃呢…. 就…. 真係嘛嘛 (￣﹏￣)。
2010年8月16日星期一
PRE-NURSERY 準備篇㊁
日期 : 2010年8月14日 (星期六)
因應校方要求每一個學生要由醫生填寫一份「健康紀錄表」。今日出旺角搵返靖甄睇開嗰位兒科醫生幫佢 bodycheck，順便幫佢打埋「甲型肝炎」預防針。
事前已經同靖甄講解今日去睇醫生嘅目的，佢聽到要打針當然好抗拒啦(︶︿︶) 大滴大滴眼淚話唔打針唔睇醫生。
(▔﹏▔)但我同佢講「因為你9月要返學，學校唔俾有蟲蟲嘅小朋友返學，所以醫生叔叔要幫靖甄打針，咁就冇咁易病，同埋今次唔洗食藥」靖甄聽到唔洗食藥，叮時收晒聲╮(╯3╰)╭
為咗安撫靖甄不安情緒，因應靖甄嘅要求今朝帶佢去飲茶，食佢心愛嘅叉燒酥 &流沙飽。佢亦好乖肯遵守承諾冇扭計話唔去診所，去到診所我叫佢拎張針卡俾姑娘登記。入到醫生房，佢遞咗張「健康紀錄表」俾蕭醫生仲同佢講「我要返學，你可唔可以幫我寫寫、幫我打針。」check完一輪到戲肉...... 打針(￣▽￣)" 蕭醫生眼明手快、3秒過後靖甄慘叫一聲，喊住問「係咪可以返學喇?」wakakaaaa 醫生、姑娘、老公同我都俾佢笑死(￣ˇ￣)
因應校方要求每一個學生要由醫生填寫一份「健康紀錄表」。今日出旺角搵返靖甄睇開嗰位兒科醫生幫佢 bodycheck，順便幫佢打埋「甲型肝炎」預防針。
事前已經同靖甄講解今日去睇醫生嘅目的，佢聽到要打針當然好抗拒啦(︶︿︶) 大滴大滴眼淚話唔打針唔睇醫生。
(▔﹏▔)但我同佢講「因為你9月要返學，學校唔俾有蟲蟲嘅小朋友返學，所以醫生叔叔要幫靖甄打針，咁就冇咁易病，同埋今次唔洗食藥」靖甄聽到唔洗食藥，叮時收晒聲╮(╯3╰)╭
為咗安撫靖甄不安情緒，因應靖甄嘅要求今朝帶佢去飲茶，食佢心愛嘅叉燒酥 &流沙飽。佢亦好乖肯遵守承諾冇扭計話唔去診所，去到診所我叫佢拎張針卡俾姑娘登記。入到醫生房，佢遞咗張「健康紀錄表」俾蕭醫生仲同佢講「我要返學，你可唔可以幫我寫寫、幫我打針。」check完一輪到戲肉...... 打針(￣▽￣)" 蕭醫生眼明手快、3秒過後靖甄慘叫一聲，喊住問「係咪可以返學喇?」wakakaaaa 醫生、姑娘、老公同我都俾佢笑死(￣ˇ￣)
PRE-NURSERY 準備篇㊀
日期 : 2010年8月7日 (星期六)
最近忙於為靖甄返pre-nursery 而準備好多嘢，今日特別帶埋靖甄返學校攞校服，順便recall返佢對呢間幼稚園嘅印象。上年in咗三間幼稚園，三間幼稚園當中，靖甄對啟思印象最深刻。
今日入到門口佢已經話「媽媽嗰度有大巴士、有大魚池、有車車玩 ……你記唔記得呀」，我話「當然記得喇 ! 返學真係好開心呀，咁多嘢玩」，靖甄大力點頭和應「好開心嫁 ! 我9月返學啦」
去到接待處攞校服，之前訂落嘅size 已經唔啱喇，(￣﹏￣)唯有兩星期後再嚟攞校服啦。自己心裡不禁低能地暗喜貪笑「我個女真係快高長大 」<(￣︶￣)>
最近忙於為靖甄返pre-nursery 而準備好多嘢，今日特別帶埋靖甄返學校攞校服，順便recall返佢對呢間幼稚園嘅印象。上年in咗三間幼稚園，三間幼稚園當中，靖甄對啟思印象最深刻。
今日入到門口佢已經話「媽媽嗰度有大巴士、有大魚池、有車車玩 ……你記唔記得呀」，我話「當然記得喇 ! 返學真係好開心呀，咁多嘢玩」，靖甄大力點頭和應「好開心嫁 ! 我9月返學啦」
去到接待處攞校服，之前訂落嘅size 已經唔啱喇，(￣﹏￣)唯有兩星期後再嚟攞校服啦。自己心裡不禁低能地暗喜貪笑「我個女真係快高長大 」<(￣︶￣)>
2010年7月15日星期四
人生曙光
幾個月前因為工作上面臨危機而擔憂咗一段日子╮(╯_╰)╭ ，後生時失戀總會聽吓情歌應吓景….. 咁失業又可以聽d乜嘢歌呢？ (⊙＿⊙)“R”爆頭呢 ? 我會推介你聽陳奕迅嘅『陀飛輛』。嗰段期間我反反覆覆聽住呢首歌，我夠膽講我已經徹底消化歌詞嘅含意，我覺悟到自己應該用乜嘢態度面對我嘅人生，令我餘生變得更加精彩<(￣︶￣)/
喺年輕嘅時候，可以因為夢想而去奮鬥，因為你覺得仲有大把青春、大把時間、總之有gutsy就有理冇理向前衝。
到咗中年，就到因為現實為錢而奮鬥，為生活、為物質、為名譽、為地位而拼命，人人都想用最短時間、付出最少勞力嚟換取最多財富同榮耀。自問自己亦係咁，現實嘅社會就係咁，你慢人一秒出手就隨時連機會都冇埋。幸慶自己得到嘅、擁有嘅嘢分量啱啱好，免除好多不必要嘅煩惱，細胞都死少d。
直到老年臨終時先發現，用咗大半生所追求嘅嘢，即使俾你得到那又如何 ???? 能夠帶走嘅又有幾多 ???? 種種嘅遺憾，或會不禁問自己『人生….是浪費了嗎?』
如果冇今次嘅危機，或者我都唔會真真正正停低，用時間去思考一d我一直唔認為係問題嘅問題 ….. 有時候面對突然其來嘅轉變或有不如意嘅事發生，原來唔係想像中咁可怕，假如你選擇勇敢面對&從多角度去分析，你會發展有一線曙光從遠處向你揮手。
我已經望到呢一線曙光(￣ˇ￣)，希望今次唔係因為反光而產生嘅幻覺啦 ! (￣﹏￣)
喺年輕嘅時候，可以因為夢想而去奮鬥，因為你覺得仲有大把青春、大把時間、總之有gutsy就有理冇理向前衝。
到咗中年，就到因為現實為錢而奮鬥，為生活、為物質、為名譽、為地位而拼命，人人都想用最短時間、付出最少勞力嚟換取最多財富同榮耀。自問自己亦係咁，現實嘅社會就係咁，你慢人一秒出手就隨時連機會都冇埋。幸慶自己得到嘅、擁有嘅嘢分量啱啱好，免除好多不必要嘅煩惱，細胞都死少d。
直到老年臨終時先發現，用咗大半生所追求嘅嘢，即使俾你得到那又如何 ???? 能夠帶走嘅又有幾多 ???? 種種嘅遺憾，或會不禁問自己『人生….是浪費了嗎?』
如果冇今次嘅危機，或者我都唔會真真正正停低，用時間去思考一d我一直唔認為係問題嘅問題 ….. 有時候面對突然其來嘅轉變或有不如意嘅事發生，原來唔係想像中咁可怕，假如你選擇勇敢面對&從多角度去分析，你會發展有一線曙光從遠處向你揮手。
我已經望到呢一線曙光(￣ˇ￣)，希望今次唔係因為反光而產生嘅幻覺啦 ! (￣﹏￣)
我們這一代 - Keith
J小姐尋日打電話俾我吐苦水，佢話佢10歲嘅仔仔要轉校，係迫於無奈地轉校。講真，我唔係黑心，我聽到呢個消息反而暗地裡替 keith(佢個仔仔) 而高興。Keith 就讀某間國際小學，呢個小朋友本身有少少弱聽，望子成龍嘅J小姐亦不惜一切安排keith 入呢間學校，由於keith 有弱聽，所以喺學習方面比其他同學較為吃力，某程度上因為咁，校內嘅成績亦強差人意。從J小姐口中得知，keith 而從升上4年班，成日都話唔上返學，唔鍾意呢個班主任。因為呢位班主任經常公開咁批評keith 嘅成績& 操行。加上老師已經標籤keith為「問題學生」，keith 慘遭班裡嘅同學仔杯葛。真係好難想像一個10歲嘅小朋友點樣喺去呢種人間地獄生存。6月尾學校派發成績表，班主任對 keith 嘅評語非常差，校方亦建議 J小姐應該替 keith 轉校。呢件事對keith 打擊好大，情緒好唔穩定。聽J小姐講最近keith嘅班主任曾當眾喺全班同學面前狠心鬧 keith係垃圾 ...... 為人師表居然可以咁樣欺凌一個手無寸鐵嘅小朋友，一句“垃圾”足以擊倒一個小朋友嘅自專心，枉佢讀飽聖言詩書，真係不知所謂.......
上星期J小姐經教友介紹，帶咗keith 去睇心理醫生。已評估keith 係屬於ADHD (專注力不足)，學校生活所遇到嘅問題令佢失去自我價值、冇自信，同時有少少自殺傾向。Omg !!! 心理醫生嚴重警告J小姐要立即幫keith 轉校，可以的話唔好再俾佢返宜家讀緊嗰間學校。之後介紹咗兩間小學俾佢，專門收d類似keith嘅小朋友，聽講呢兩間小學嘅老師好有愛心，校裡有好多社工跟進及輔導有關嘅學生。另一方面 keith 亦開始接受藥物治療及心理輔導，幸好醫生話keith嘅情況唔算太嚴重，仲同J小姐講接受藥物治療後短期內會發現keith會明顯地乖咗，再配合各方面輔導，有信心keith一定可以康復。我完全幻想到keith頭頂已露出一線曙光。
Keith，加油呀！好希望好希望你好快可以親手劃一道真正屬於自己嘅彩虹，可以好自信咁同我講“這世界真美好”♡♡♡
上星期J小姐經教友介紹，帶咗keith 去睇心理醫生。已評估keith 係屬於ADHD (專注力不足)，學校生活所遇到嘅問題令佢失去自我價值、冇自信，同時有少少自殺傾向。Omg !!! 心理醫生嚴重警告J小姐要立即幫keith 轉校，可以的話唔好再俾佢返宜家讀緊嗰間學校。之後介紹咗兩間小學俾佢，專門收d類似keith嘅小朋友，聽講呢兩間小學嘅老師好有愛心，校裡有好多社工跟進及輔導有關嘅學生。另一方面 keith 亦開始接受藥物治療及心理輔導，幸好醫生話keith嘅情況唔算太嚴重，仲同J小姐講接受藥物治療後短期內會發現keith會明顯地乖咗，再配合各方面輔導，有信心keith一定可以康復。我完全幻想到keith頭頂已露出一線曙光。
Keith，加油呀！好希望好希望你好快可以親手劃一道真正屬於自己嘅彩虹，可以好自信咁同我講“這世界真美好”♡♡♡
2010年7月13日星期二
病菌家訪
(╯_╰) 踏入7月份，我們這一家被惡毒嘅細菌兵團家訪，一家三口無一幸免。帶菌者係....... 我 (⊙＿⊙) 再傳染俾老公，小女靖甄亦難逃一劫，個個都係「上呼吸道感染」。
幸好我哋及時採取應變措施，爸爸第二日見有輕微喉嚨痛已經不敢怠慢即刻睇醫生，所以佢用咗兩日時間已經康復。
第三日見到靖甄有兩聲咳，我就即刻帶佢睇醫生，睇開嗰位兒科醫生讚我明智，因為靖甄已經有「上呼吸感染」嘅徵狀，幸好食咗三日藥而經好返晒。
而我嘅康復進度就冇以上兩位受害者咁理想，睇咗兩次醫生，第一次嗰位醫生....講起就火滾
o(≧o≦)o 嗰D group medical 嘅醫生..... 簡直不知所謂、毫無醫德，講真你受得保險公司嘅就預咗我哋嚟睇，個死人醫生象徵式幫我檢查之餘，仲求求其其俾兩包藥打發我走，你賺少錢都唔應該搵我哋d病人 "較非" 呀大佬 !@#%$^&&* 見病情冇好轉，索性轉睇靖甄睇開嗰位兒科醫生，三十幾歲人學人睇兒科醫生 (￣▽￣)" 醫生話我都幾嚴重，俾咗兩隻特效抗生素俾我，六包藥一支加一支藥水 (我朋友講笑話係六餸一湯) 。醫生叮囑我一定要食晒d抗生素，佢仲話如果唔掂下次要改藥食類固醇︽⊙＿⊙︽ 真係俾佢嚇鬼死我。食咗幾日藥，已經康復六、七成，呢 $380.00 總算冇洗錯 ! <(￣︶￣)>
幸好我哋及時採取應變措施，爸爸第二日見有輕微喉嚨痛已經不敢怠慢即刻睇醫生，所以佢用咗兩日時間已經康復。
第三日見到靖甄有兩聲咳，我就即刻帶佢睇醫生，睇開嗰位兒科醫生讚我明智，因為靖甄已經有「上呼吸感染」嘅徵狀，幸好食咗三日藥而經好返晒。
而我嘅康復進度就冇以上兩位受害者咁理想，睇咗兩次醫生，第一次嗰位醫生....講起就火滾
o(≧o≦)o 嗰D group medical 嘅醫生..... 簡直不知所謂、毫無醫德，講真你受得保險公司嘅就預咗我哋嚟睇，個死人醫生象徵式幫我檢查之餘，仲求求其其俾兩包藥打發我走，你賺少錢都唔應該搵我哋d病人 "較非" 呀大佬 !@#%$^&&* 見病情冇好轉，索性轉睇靖甄睇開嗰位兒科醫生，三十幾歲人學人睇兒科醫生 (￣▽￣)" 醫生話我都幾嚴重，俾咗兩隻特效抗生素俾我，六包藥一支加一支藥水 (我朋友講笑話係六餸一湯) 。醫生叮囑我一定要食晒d抗生素，佢仲話如果唔掂下次要改藥食類固醇︽⊙＿⊙︽ 真係俾佢嚇鬼死我。食咗幾日藥，已經康復六、七成，呢 $380.00 總算冇洗錯 ! <(￣︶￣)>
2010年6月10日星期四
玩具篇 - 多功能擦膠
剛剛嘅星期日，幾位媽媽級嘅朋友搞咗個聚會，
地點係Owen仔屋企。
假如要我形容Owen仔屋企......
我覺得係袖珍版嘅『玩具反斗城』，
如果我係小朋友，我一定會玩到唔捨得走。
數吓手指，我已經半年冇買過玩具俾靖甄喇，
係時候要搜尋一d玩具俾佢，
但講到買玩具(￣▽￣)" 呢一瓣實在令我好頭痛，
因為太多顧慮o(≧v≦)o
又要價錢合理、品質安全、有啟發性......
最重要嘅係......唔好「阻掟」(￣﹏￣)
剛好最近我睇緊一本書叫「買錯玩具教錯仔」，
呢本書值得推介俾大家，
真係幫到我呢類十吓十吓嘅媽媽●﹏●
今次推介就係呢幾款多功能擦膠，
賣相吸引之餘，仲好似真嘅一樣，
每件擦膠可以拆開再任意組合，
最重要係「日本製です !」
相信品質都唔會差得去邊。
書裡面話，藉住呢種玩意，可以變出幾項用途
1 ) 數數
2 ) 分類
3 ) 認知
4 ) 鍛鍊小手肌肉
5 ) 想像力
6 ) 外語能力
7 ) 各地飲食文化
我估靖甄應該幾鐘意，因為佢好鐘意玩煮飯仔！
「肥甄廚房」開壇啦<(￣︶￣)>
2010年6月1日星期二
回到童年時 - 三角朱古力蛋糕
近兩個星期，肥仔同事响 office 不斷釋放負能量而大大影響我嘅情緒
尋日放工覺得好鬼肚餓，又加上心情唔好，突然覺得自己好淒涼.......
見時間尚早，中途响九龍塘落車，食我兒時最愛嘅 " 三角朱古力蛋糕 "
" 三角朱古力蛋糕 " 宜家真係買少見少，
幾年前俾我發現九龍塘火車站嘅 "君蘭餅店" 仲有得賣，好感恩呀 !
每次食三角朱古力蛋糕都嗒得出屬於我兒時嘅回憶，
我記得小學果陣，返上午校嘅我，媽媽每朝早帶我返學之前，
佢會同我去面包舖買面包作為我小息時食用嘅小點，
每當媽媽問我想食乜嘢包，我嘅答案永遠係「菠蘿包、豬仔包、雞尾包」
問心....我最想食就係三角朱古力蛋糕
當時企屋環境唔係咁好，印象中菠蘿包、豬仔包、雞尾包係 $0.60，
而 "三角朱古力蛋糕" 好似係 $1.00 or $1.20
所以一星期只可以食1次 三角朱古力蛋糕
話時話當時我都幾識諗嫁 heheee
而媽媽總會叮囑我『件蛋糕放入書包前面果格，咁就唔好壓到變屎餅』
到呢一刻呢一番說話我仍然記憶猶新
呢件值 $4.20 嘅蛋糕令我起死回生，亦導出箇中道理
『簡單、平凡就是福』
2010年5月24日星期一
親子游泳班(Round 1) - Lesson 4
日期 : 2010年5月23日 (星期日)
用三個字形容今日嘅結果 ........ "夢一場"
仲要係美夢<(￣︶￣)>
今朝一如以往，食完早餐後一齊準備游水用品，
我同老公亦冇刻意問靖甄今日去唔去游水，
唯一策略有少少改變，就係喺屋企著咗泳衣先出發，
反而靖甄幾接受呢一套，臉上帶點懵懂但非常合作(￣ˇ￣)
坐車期間我裝作若無其事咁同佢講今日有d 咩嘢節目、
每一項流程係點樣安排，反而冇刻意再叮囑佢 "一陣游水唔好喊" 等等說話
而靖甄亦能概括講出今日要做d 咩，氣氛總算輕鬆o(︶︿︶)o
去到學校，有兩位姐姐向靖甄方向迎面行過嚟，係兩位大約 4-5歲嘅小朋友
兩位都係隔籬line學游水嘅小朋友，所以哋認得靖甄，
靖甄好開心，同佢哋握手打招呼，我見佢心情咁好
即時用眼神向老公示意有d去換衫，而我就繼續陪靖甄同嗰兩位小朋友玩。
見到呢個咁利好嘅形勢，我仲唔打蛇隨輥上咩，上堂鐘聲一響
我都叩爸爸 "嗱嗱林" 帶靖甄跟埋兩位小朋友一齊入去
<(￣︶￣)> BINGO ! 又真係 work 喎 ! 冇喊喎 ! <(￣︶￣)>
今日嘅課堂編排靖甄同基本班嘅小朋友一齊上堂，一齊學踼水
見靖甄都玩得好開心，無礙同其他小朋友相比之下，靖甄嘅服從性較低
即係原本成班小朋友好有秩序向前行，佢就行行吓 "無啦啦" 打斜行搞破壞
但今日靖甄學踼水姿勢方面進步咗，起碼雙腳有力提起踢 & 夠膽自己試
我見到佢 "兩碌" 豬腿踼吓踢吓，真係好鬼死搞笑(￣﹏￣)
完堂後，我不禁擁抱全身濕透嘅靖甄，同佢講『靖靖今日好叻』
甄靖答我『媽媽 ! 我今日冇喊呀 ! 今日同哥哥姐姐玩踢水，叻叻呀』
我心裡不禁講『I'm so proud of you ! 』
今晚臨瞓前諗 ☞ 下星期又會演變成點呢 (￣﹏￣)
用三個字形容今日嘅結果 ........ "夢一場"
仲要係美夢<(￣︶￣)>
今朝一如以往，食完早餐後一齊準備游水用品，
我同老公亦冇刻意問靖甄今日去唔去游水，
唯一策略有少少改變，就係喺屋企著咗泳衣先出發，
反而靖甄幾接受呢一套，臉上帶點懵懂但非常合作(￣ˇ￣)
坐車期間我裝作若無其事咁同佢講今日有d 咩嘢節目、
每一項流程係點樣安排，反而冇刻意再叮囑佢 "一陣游水唔好喊" 等等說話
而靖甄亦能概括講出今日要做d 咩，氣氛總算輕鬆o(︶︿︶)o
去到學校，有兩位姐姐向靖甄方向迎面行過嚟，係兩位大約 4-5歲嘅小朋友
兩位都係隔籬line學游水嘅小朋友，所以哋認得靖甄，
靖甄好開心，同佢哋握手打招呼，我見佢心情咁好
即時用眼神向老公示意有d去換衫，而我就繼續陪靖甄同嗰兩位小朋友玩。
見到呢個咁利好嘅形勢，我仲唔打蛇隨輥上咩，上堂鐘聲一響
我都叩爸爸 "嗱嗱林" 帶靖甄跟埋兩位小朋友一齊入去
<(￣︶￣)> BINGO ! 又真係 work 喎 ! 冇喊喎 ! <(￣︶￣)>
今日嘅課堂編排靖甄同基本班嘅小朋友一齊上堂，一齊學踼水
見靖甄都玩得好開心，無礙同其他小朋友相比之下，靖甄嘅服從性較低
即係原本成班小朋友好有秩序向前行，佢就行行吓 "無啦啦" 打斜行搞破壞
但今日靖甄學踼水姿勢方面進步咗，起碼雙腳有力提起踢 & 夠膽自己試
我見到佢 "兩碌" 豬腿踼吓踢吓，真係好鬼死搞笑(￣﹏￣)
完堂後，我不禁擁抱全身濕透嘅靖甄，同佢講『靖靖今日好叻』
甄靖答我『媽媽 ! 我今日冇喊呀 ! 今日同哥哥姐姐玩踢水，叻叻呀』
我心裡不禁講『I'm so proud of you ! 』
今晚臨瞓前諗 ☞ 下星期又會演變成點呢 (￣﹏￣)
2010年5月19日星期三
第一次去香港迪士尼
日期 : 2010年5月17日 (星期一)
終於一嘗所願帶靖甄去迪士尼喇 ! 大滿足 (￣︶￣)
今次我同老公將呢個計劃保密，因為真係好鬼邪(￣﹏￣)
對上兩次歡天喜地宣佈呢個計劃後總會遇上阻滯，
兩次要臨時取消嘅原因都係因為靖甄病咗o(≧o≦)o
所以我同老公決定靜靜地起革命，唔再事先張揚，
最搞笑係老公.... 佢大顯神婆本色，睇通勝擇日去迪士尼(⊙＿⊙)
今朝起身，同靖甄講『爸爸媽媽帶你去一個新地方玩』
靖甄點頭話『好! 新嫁、我未去過嫁 !』
為咗避開上班呢段繁忙時間，我哋大約10:00am先起程
但計算錯誤囉(￣▽￣)" 呢個鐘數都好Q多人
我哋排除萬難好辛苦先到達迪士尼，
數口精嘅我當然選擇買 annual pass，去兩次就返晒本(￣ˇ￣)
爸爸排隊買annual pass 果陣，靖甄已經好心急想衝入場(￣▽￣)"
幸好果度d職員送咗幾張貼紙俾佢安撫吓佢，
入場之前briefing 靖甄要聽話、唔好亂走、要拖實爸爸媽媽....等等
一入場︽⊙＿⊙︽ Mickey & Minnie 已經開始同人影相
人龍好長呀≡(▔﹏▔)≡ 我負責排隊，
而爸爸就負責帶靖甄企响涼亭度睇住Mickey & Minnie
唉 ! 靖甄超級興奮，無他，而出娘胎後，除咗家庭成員外
迪士尼嘅所有人物同靖甄由細已經建立深厚嘅感情
爸爸同我講，話靖甄好癲，佢不斷叫 『Mickey & Minnie 來嚟啦 』
見到Mickey & Minnie 攬住其他人影相，靖甄大叫『唔好攬住呀』
可能Mickey見到呢位粉絲咁熱情，Mickey 都住動行過靖甄度3次同佢玩 heheee
排咗半個鐘有多，終於到我哋喇<(￣︶￣)> 靖甄搶閘飛撲去Mickey & Minnie 度
嘩 ! 怕羞慢熱嘅靖甄居然咁住動~(￣▽￣)~* 又攬又錫
影完相仲唔捨得走，佢攬實mickey試圖賴死唔走
最後要勞煩兩位 "實Q" 拉佢走 (即係我同老公) "火羅" 爆(￣﹏￣)
之後同佢去玩旋轉木馬、小飛象....etc 機動遊戲
同時亦忙於搵靖甄嘅偶像合照(￣ˇ￣)
其實今日有好多地方都未玩過，唯有留待下一次再玩
下次打算晏少少去，因為想睇埋煙花 ~ 浪漫吓
臨走嘅時候，我哋批准靖甄自己柬一份禮物帶返屋企
靖甄企响商店度見到咁多琳瑯滿目嘅呃錢貨品(￣﹏￣)
攬咗好多好多個公仔，最終都係柬咗佢嘅知己 pooh pooh 帶返屋企
佢亦好乖，冇貪心要求我哋買多幾個 \(￣︶￣)>
玩到大約5點半左右就起程回家，由迪士尼通往車站果段路
靖甄不停講『我好開心呀』加上夕陽斜照落我三口子身上
內心湧現一種筆墨難以形容嘅感受 ∩︿∩
我相信呢一種感覺應該係 "幸福" ♡♡♡♡♡
親子游泳班 (Round1) Lesson 3
日前：2010年5月16日(星期日)
靖甄今日唔肯上堂呀o(︶︿︶)o
今朝就好似平時一樣，食完早餐就同靖甄一齊準備d 游水用品，
各方面都好合作同好乖，臨出門口前仲用大人口吻催促我哋
『快d喇 ! 夠鐘嫁喇 !』(￣▽￣)"
點知到達學校，正打算幫佢換衫，佢就開始嚟料，
不停講『我唔換衫、我唔游水，我哋返屋企』
起初我同老公都以為佢循例扭吓計，
我哋話『游完水帶你去公園玩、去圖書館、再食雪糕』
重金禮聘務求令佢肯游水，可惜最後都事與願違(￣.￣)
靖甄好堅決咁喊住講『我唔游水，我哋返屋企』 不停重複講呢句說話
老公望一望我，示意我應該出聲表態，我用強硬嘅語氣同靖甄講
『媽咪同爸爸都好失望，唔係因為你唔肯游水，而係你唔守承諾，
既然你唔想游水，我唔迫你，但你要聽住，你要為你唔守承諾而付出代價，
今日出街要自己行、唔准爸爸抱、返到屋企唔准睇 Mickey & Barney DVD、
今日冇得食任何零食。』我一口氣講晒所有條件，
自己都諗緊我用d咁深奧嘅字眼，靖甄會唔會明呢 ˇ﹏ˇ
最後靖甄望住我點頭，好堅定咁講『好! 我哋走啦』
我哋由富豪酒店步行去新城市，靖甄一粒聲都冇出，頭doudou 自己行
而爸爸就拖住靖甄一邊行一邊 "哦" 靖甄 ...... 煩死呀 o(≧o≦)o
今日靖甄變得好沈默，而佢亦一一遵守所有條件。
今晚去婆婆度食晚飯，平日EE 同佢玩電腦上youtube 聽歌，
佢一定好興奮，但今晚變得異常沉默。EE 同靖甄做乜?
靖甄答『甄甄唔開心....媽媽鬧、爸爸鬧』(╯_╰)
其實我都有為呢件事唔開心，唔係因為靖甄唔去游水
而係我會唔會太一廂情願去諗靖甄係鐘意游水呢 ?
我會唔會忽略咗佢嘅感受 ? 我係咪應該將心比己為佢諗吓呢 ?
其實今日我喺學校有一剎那想夾硬捉佢換衫，
但最後我都冇咁做，因為我要尊重佢，亦唔想佢對游水反感，
但經過呢件事，我幾欣賞靖甄呢份堅持，heheeee
正所謂希望在明天，希望呢個星期日會好轉喇 !
靖甄今日唔肯上堂呀o(︶︿︶)o
今朝就好似平時一樣，食完早餐就同靖甄一齊準備d 游水用品，
各方面都好合作同好乖，臨出門口前仲用大人口吻催促我哋
『快d喇 ! 夠鐘嫁喇 !』(￣▽￣)"
點知到達學校，正打算幫佢換衫，佢就開始嚟料，
不停講『我唔換衫、我唔游水，我哋返屋企』
起初我同老公都以為佢循例扭吓計，
我哋話『游完水帶你去公園玩、去圖書館、再食雪糕』
重金禮聘務求令佢肯游水，可惜最後都事與願違(￣.￣)
靖甄好堅決咁喊住講『我唔游水，我哋返屋企』 不停重複講呢句說話
老公望一望我，示意我應該出聲表態，我用強硬嘅語氣同靖甄講
『媽咪同爸爸都好失望，唔係因為你唔肯游水，而係你唔守承諾，
既然你唔想游水，我唔迫你，但你要聽住，你要為你唔守承諾而付出代價，
今日出街要自己行、唔准爸爸抱、返到屋企唔准睇 Mickey & Barney DVD、
今日冇得食任何零食。』我一口氣講晒所有條件，
自己都諗緊我用d咁深奧嘅字眼，靖甄會唔會明呢 ˇ﹏ˇ
最後靖甄望住我點頭，好堅定咁講『好! 我哋走啦』
我哋由富豪酒店步行去新城市，靖甄一粒聲都冇出，頭doudou 自己行
而爸爸就拖住靖甄一邊行一邊 "哦" 靖甄 ...... 煩死呀 o(≧o≦)o
今日靖甄變得好沈默，而佢亦一一遵守所有條件。
今晚去婆婆度食晚飯，平日EE 同佢玩電腦上youtube 聽歌，
佢一定好興奮，但今晚變得異常沉默。EE 同靖甄做乜?
靖甄答『甄甄唔開心....媽媽鬧、爸爸鬧』(╯_╰)
其實我都有為呢件事唔開心，唔係因為靖甄唔去游水
而係我會唔會太一廂情願去諗靖甄係鐘意游水呢 ?
我會唔會忽略咗佢嘅感受 ? 我係咪應該將心比己為佢諗吓呢 ?
其實今日我喺學校有一剎那想夾硬捉佢換衫，
但最後我都冇咁做，因為我要尊重佢，亦唔想佢對游水反感，
但經過呢件事，我幾欣賞靖甄呢份堅持，heheeee
正所謂希望在明天，希望呢個星期日會好轉喇 !
2010年5月13日星期四
我的金飯碗 .... 冇咗喇
尋日收到新消息，按照總公司計劃，香港office 大可能明年中完全撤出。
兩、三年前日本股東睇準形勢，响越南河內大規模設廠，生意越做越好，
而我公司响上海蘇州 & 東莞虎門都有工場，
喺汰弱留強嘅情況底下，東莞工場亦响年頭陸續撤出。
其實boss 之前已經同我透露過有關政策，在商言商，
既然東莞廠都摺咗喇，留香港office 都冇用啦，
或者上年開始已經有晒思想準備，當時亦為呢件事唔開心咗一排
所以尋日聽到呢個消息一d都唔意外、亦冇唔開心，因為我有晒抗體 heheeee
喺呢間日資公司做咗9年，公司俾咗好多好多機會我
袋咗好多寶貴經驗落袋，無論人和事，
所學到嘅都令我一生受用，特別係我d 日文，一句講晒『賺凸』
至於日後有乜嘢打算，自己有一連串嘅計劃，亦有兩手準備，
如無意外我會嘗試做全職媽媽，因為靖甄今年9月返 pre-nursery，
面對呢個咁重要嘅轉捩點，自己亦希望可以有多d時間陪住佢，
我唔肯定自己能唔能夠勝任，但我會努力嘗試。
我亦好感激我老公，佢成日都同我講『你唔好擔心，安心做全職媽媽』
由心講，我真係唔想令老公有太大負擔 o(︶︿︶)o
不過，既然佢肯囉，我就即管嘆吓先 heheeee
但我相信揍女一定辛苦過返工囉，但我會做好呢份工 <(￣︶￣)>
兩、三年前日本股東睇準形勢，响越南河內大規模設廠，生意越做越好，
而我公司响上海蘇州 & 東莞虎門都有工場，
喺汰弱留強嘅情況底下，東莞工場亦响年頭陸續撤出。
其實boss 之前已經同我透露過有關政策，在商言商，
既然東莞廠都摺咗喇，留香港office 都冇用啦，
或者上年開始已經有晒思想準備，當時亦為呢件事唔開心咗一排
所以尋日聽到呢個消息一d都唔意外、亦冇唔開心，因為我有晒抗體 heheeee
喺呢間日資公司做咗9年，公司俾咗好多好多機會我
袋咗好多寶貴經驗落袋，無論人和事，
所學到嘅都令我一生受用，特別係我d 日文，一句講晒『賺凸』
至於日後有乜嘢打算，自己有一連串嘅計劃，亦有兩手準備，
如無意外我會嘗試做全職媽媽，因為靖甄今年9月返 pre-nursery，
面對呢個咁重要嘅轉捩點，自己亦希望可以有多d時間陪住佢，
我唔肯定自己能唔能夠勝任，但我會努力嘗試。
我亦好感激我老公，佢成日都同我講『你唔好擔心，安心做全職媽媽』
由心講，我真係唔想令老公有太大負擔 o(︶︿︶)o
不過，既然佢肯囉，我就即管嘆吓先 heheeee
但我相信揍女一定辛苦過返工囉，但我會做好呢份工 <(￣︶￣)>
2010年5月11日星期二
木糠布甸
heheee 仲整得好成功 tim ，連老公俾99分我 <(￣︶￣)>
可惜最失敗嘅地方係.......胃食嘅我顧住食
而忘記將製成品影低 ≡(▔﹏▔)≡
☆★☆★☆★☆★☆★☆★☆★☆★☆★☆★☆★☆★☆★☆★☆★
材料 :
雲尼哪條1條 ( 取其籽 )
總統牌淡忌廉 (500ml)
煉奶 (按個人喜好調配分量)
雲尼哪糖 (1小包)
瑪莉餅 (120g)
步驟 :
㊀ 先以攪拌機打碎瑪莉餅，備用。
㊁ 切開雲呢條，用小刀取其籽，備用。
㊂ 將忌廉打勻至軟（6 成企身），再拌入煉奶、雲呢哪籽及雲呢哪糖, 再打至 8 成企身 (好似軟雪糕狀)
㊃ 將瑪莉餅碎先鋪喺杯底，然後加上忌廉，如是者以「梅花間竹」的方法填滿，最後留面的是忌廉層。
㊄ 然後放入冰箱（freezer ) 或 雪櫃裡待雪硬
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
心得分享 :
我覺得淡忌廉要雪得夠凍，可以的話，先將撥忌廉嘅器皿放入 freezer 15分鐘，以避免淡忌廉撥極都係水。盡可能製作過程要快手d, 唔好做一part 又hea一陣，因為忌廉好快溶。
木糠布甸放入冰箱（freezer )雪，質感好似食雪糕咁，但最好食之前15分鐘先攤凍，
口感一流呀。o(≧o≦)o
下一個目標 ☞ Creme Brulee ∩﹏∩
2010年5月10日星期一
親子游泳班 (Round 1) Lesson 2
日期 : 2010年5月9日 (星期日)
上星期上第一堂，靖甄喊足半堂，其後又會發展成點呢 ?
呢個星期，我、老公、婆婆不斷向靖甄提供游水後嘅心理輔導
得出結果係佢驚教練哥哥，但仍然希望再去學游水
好啦，既然係驚人唔驚水，我哋就再俾d耐性陪佢過度呢個適應期
今朝食過早餐後，我特別要求靖甄同我一齊執游水用品
唔洗講，一定係越幫越忙、越執越忟嫁喇o(≧v≦)o
但佢好enjoy呢一個環節，既然可以令佢有滿足感同開心
即使我嘔住血同佢執，我都覺得值得 heheee
撘車去學校果陣佢仲同我哋講『甄甄大個女嫁喇，游水時唔喊嫁喇』
我心諗『聽住先啦』(￣﹏￣)
去到學校，我同老公講『我去confirm吓今日邊一組先』
正想講多句果陣，大家都聽到地下傳出一陣陣喊聲
我哋往下一望 ! 嘩! 原來我個女喊緊(⊙＿⊙)
望見靖甄咁，我同老公都忍唔住笑咗出嚟(O ^ ~ ^ O)
我抱起佢問佢做乜喊，佢話『我驚哥哥，我要返屋企』
我話『今日唔係哥哥喇! 今日係姐姐呀』佢有少少疑惑咁望住我，
我話『你試吓同姐姐玩一陣，如果你真係唔鐘意，先返屋企喇』
佢跟我口水尾講『甄甄玩一陣喇，玩一陣就返屋企』
就係咁我就賣咗靖甄豬仔喇<(￣︶￣)>
經過上一堂嘅經驗，我叫老公同教練講聲
希望教練初步唔好同靖甄有太近距離接觸
因為靖甄超怕羞、又怕同陌生人接觸，佢需要較長嘅時間觀察
幸好佢今日只係喊咗10分鐘，其餘時間都見佢玩得好開心
比上次放膽咗玩，我諗絕大原因係因為今次個教練係姐姐<(￣︶￣)>
今日靖甄初初落水果陣都喊住叫媽媽....講真, 都幾心痛嫁，
果一刻不停問自己我係咪唔應該俾靖甄咁早去學游水呢 ?
都有少少自責嫁 o(︶︿︶)o 幸好老公反而安慰我，
佢話亞女性格係怕差同慢熱，需要較長嘅時間去適應，
但始終都要俾佢面對呢d問題。
話時話今次我好感激老公，因為我唔識游水，
所以陪靖甄參加親子班嘅重任就交俾佢，辛苦晒喇 爸爸♡
希望嚟緊上第三堂，靖甄可以唔喊喇 ! ∩﹏∩
上星期上第一堂，靖甄喊足半堂，其後又會發展成點呢 ?
呢個星期，我、老公、婆婆不斷向靖甄提供游水後嘅心理輔導
得出結果係佢驚教練哥哥，但仍然希望再去學游水
好啦，既然係驚人唔驚水，我哋就再俾d耐性陪佢過度呢個適應期
今朝食過早餐後，我特別要求靖甄同我一齊執游水用品
唔洗講，一定係越幫越忙、越執越忟嫁喇o(≧v≦)o
但佢好enjoy呢一個環節，既然可以令佢有滿足感同開心
即使我嘔住血同佢執，我都覺得值得 heheee
撘車去學校果陣佢仲同我哋講『甄甄大個女嫁喇，游水時唔喊嫁喇』
我心諗『聽住先啦』(￣﹏￣)
去到學校，我同老公講『我去confirm吓今日邊一組先』
正想講多句果陣，大家都聽到地下傳出一陣陣喊聲
我哋往下一望 ! 嘩! 原來我個女喊緊(⊙＿⊙)
望見靖甄咁，我同老公都忍唔住笑咗出嚟(O ^ ~ ^ O)
我抱起佢問佢做乜喊，佢話『我驚哥哥，我要返屋企』
我話『今日唔係哥哥喇! 今日係姐姐呀』佢有少少疑惑咁望住我，
我話『你試吓同姐姐玩一陣，如果你真係唔鐘意，先返屋企喇』
佢跟我口水尾講『甄甄玩一陣喇，玩一陣就返屋企』
就係咁我就賣咗靖甄豬仔喇<(￣︶￣)>
經過上一堂嘅經驗，我叫老公同教練講聲
希望教練初步唔好同靖甄有太近距離接觸
因為靖甄超怕羞、又怕同陌生人接觸，佢需要較長嘅時間觀察
幸好佢今日只係喊咗10分鐘，其餘時間都見佢玩得好開心
比上次放膽咗玩，我諗絕大原因係因為今次個教練係姐姐<(￣︶￣)>
今日靖甄初初落水果陣都喊住叫媽媽....講真, 都幾心痛嫁，
果一刻不停問自己我係咪唔應該俾靖甄咁早去學游水呢 ?
都有少少自責嫁 o(︶︿︶)o 幸好老公反而安慰我，
佢話亞女性格係怕差同慢熱，需要較長嘅時間去適應，
但始終都要俾佢面對呢d問題。
話時話今次我好感激老公，因為我唔識游水，
所以陪靖甄參加親子班嘅重任就交俾佢，辛苦晒喇 爸爸♡
希望嚟緊上第三堂，靖甄可以唔喊喇 ! ∩﹏∩
親子游泳班 (Round 1) Lesson 1
日期 : 2010年5月2日 (星期日)
今日係靖甄上親子游泳班第一堂，
前一晚我已經同老公講要有思想準備靖甄會喊，
老公反而好老定話 " 佢咁鐘意玩水， 加上我又陪佢，一定唔會喊 "
但我嘅第六感始終覺得 " 一定唔會咁簡單 "
今朝靖甄出奇地合作，由起身梳洗、食早餐、換衫都冇扭計，
不停講『我今日要游水嫁喇』d口吻十足十大人咁。
去到呂明才小學，入到學校門口靖甄已經好興奮，
我去到接待處搞埋d手續之後，就帶靖甄入去換衫，
個toilet又濕又臭又焗(￣▽￣)" 真係好鬼難頂
著好泳衣之後，單憑靖甄行去泳池嘅步伐
我 feel 到佢好驚 ≡(▔﹏▔)≡ 我裝作好輕鬆咁同佢講
" 嘩! 好似好好玩喎! 你睇吓d哥哥姐姐玩得幾開心 "
果一刻我見到佢雙眼已通紅，眼淚已經 "啷吓啷吓"
跟住爸爸抱住靖甄入泳池，當日嘅代課教練好熱情咁上前同靖甄打招呼
仲好殷勤咁幫靖甄戴泳帽o(︶︿︶)o
呢一連串嘅行為已經足夠嚇怕呢隻膽小鬼
第一堂嘅序幕就喺哭聲中開始T__T ，60分鐘裡，靖甄喊咗半堂，
佢嘅喊聲淒厲到連隔籬line上緊堂嘅小朋友、教練，
甚至救生員都異口同聲同佢講 " 乖啦，唔好喊啦，唔洗驚，大家一齊玩啦 "
hahaaa.... 最搞笑係嗰位教練，見佢不停地攞咗好多玩具俾靖甄玩
最後，亞sir 拎咗成桶波出嚟，靖甄見到咁多彩色波波浮响水
即時收晒聲，仲放膽自己行去玩，餘下果30分鐘，見到靖甄仲玩得好開心tim
大家總算輕一口氣『辛苦晒啦, 爸爸! 辛苦晒啦, 亞 sir !』 o(︶︿︶)o
2010年4月13日星期二
Rainboots
又要迎接我最討厭嘅季節 ...... 春天 o(︶︿︶)o
兩個月前我已經有全盤嘅計劃
諗住籌集資金買部強力抽濕機嚟對抗呢個咁潮濕嘅季節
勢估唔到大部份抽濕機已經响冬天尾果陣賣斷市
乜冬天唔係買暖風機嫁咩? 呢鑊擺明玩我姐(￣▽￣)"
唉 ! 面對呢種 "濕笠笠" 嘅天氣，加上一堆堆冇陽光味嘅衫
對我打擊好大，真係乜 mood 都冇
再加上連續兩星期死唔斷氣嘅雨水
我嘅正能量徹底地被淋熄
垂死掙扎之際，食飯大嘅我總會諗到辦法解決
hahaaaa 就係shopping，抱住要貨唔要錢嘅原則底下
我今日終於帶咗一對雨靴返屋企，亦係我一生人第一對雨靴
其實上年已經蠢蠢欲動想買，但又睇唔啱
好難得俾我睇中呢一對，既然大家情投意合♡♡♡ heheee
話時話，買咗之後我覺得好有使命感 <(￣︶￣)/
可以帶動到香港經濟嘅同時，亦拉高咗4月份消費物價指數
一舉兩得 ! 哈哈哈哈哈
兩個月前我已經有全盤嘅計劃
諗住籌集資金買部強力抽濕機嚟對抗呢個咁潮濕嘅季節
勢估唔到大部份抽濕機已經响冬天尾果陣賣斷市
乜冬天唔係買暖風機嫁咩? 呢鑊擺明玩我姐(￣▽￣)"
唉 ! 面對呢種 "濕笠笠" 嘅天氣，加上一堆堆冇陽光味嘅衫
對我打擊好大，真係乜 mood 都冇
再加上連續兩星期死唔斷氣嘅雨水
我嘅正能量徹底地被淋熄
垂死掙扎之際，食飯大嘅我總會諗到辦法解決
hahaaaa 就係shopping，抱住要貨唔要錢嘅原則底下
我今日終於帶咗一對雨靴返屋企，亦係我一生人第一對雨靴
其實上年已經蠢蠢欲動想買，但又睇唔啱
好難得俾我睇中呢一對，既然大家情投意合♡♡♡ heheee
話時話，買咗之後我覺得好有使命感 <(￣︶￣)/
可以帶動到香港經濟嘅同時，亦拉高咗4月份消費物價指數
一舉兩得 ! 哈哈哈哈哈
2010年4月8日星期四
別人的故事 - 親情
放復活節假期前，收到一個client嘅電話
Ryan Lee，35歲左右，喺某公司擔當翻譯工作
已經5個月冇聽過佢把聲，有一種久別重逢嘅感覺
我急不及待問佢「你宜家係地球定係喺太空 ?」
我問佢做咩咁突然放咁耐假
佢沈默咗一陣，笑住講「我呢5個月一直陪我爸爸，佢上個月離開咗喇」
Ryan形容同佢同爸爸嘅感情係「淡如水」
兩父子拍埋一齊就好似「正極」同「正極」咁，一拍即彈
好則就口部動粗 (講粗口)，壞則手、口都動粗
佢20歲左右去咗日本留學，上機當日都可以同佢爸爸喺離機大堂嘈一鑊先上機
讀完書返香港，佢因為媽媽嘅關係，每星期都會返家探兩老
但同爸爸嘅關係依舊係都係咁惡劣，每次探佢地，只都打招呼
直至半年前，佢爸爸發現有cancer
佢話有一次去醫院探佢，喺門口聽到佢問姑娘
「姑娘呀，你有冇空氣清新劑或香燻之類嘅嘢 ? 我個仔由細到大都好憎醫院果陣味，佢細個果陣我都可以用糖嚟氹佢姐....」
ryan 聽到呢番說話，個心痛到好似瞓喺釘床一樣
果一刻佢唔夠膽入病房，因為佢覺得自己好醜惡
之後佢即時向公司辭職，想用時間買回呢份親情
幸好佢公司以 "停薪留職" 方式俾佢放假
佢話呢4個幾月每日都陪住爸爸，每日都有講唔完嘅話題
佢笑言呢4個月所講嘅嘢加加埋埋仲多過之前嗰34年
面對死亡，佢爸爸選擇咗用積極嘅態度面對
佢爸爸成日都話「即使我面對死亡，我唔覺得恐懼同黑暗，因為我身邊有兩個太陽」
佢爸爸將佢兩母子形容成太陽
ryan 話佢爸爸去得好安詳，離留果一刻佢同媽媽都陪伴住
唯一遺憾係佢爸爸未能夠睇到 "紀曉嵐" 大結局
聽後感 :
「家家有本難諗的經」好難明白點解ryan對佢爸爸呢種 "恨" 可以咁根深柢固。
最終沈痛嘅代價令佢放低對爸爸幾十年嘅 " 恨"
「哀哀父母，生我劬勞，欲報之恩，昊天罔亟」「樹欲靜而風不息；子欲養而親不在。」
這麼恆常的道理，真的是易明難做嗎？
Ryan Lee，35歲左右，喺某公司擔當翻譯工作
已經5個月冇聽過佢把聲，有一種久別重逢嘅感覺
我急不及待問佢「你宜家係地球定係喺太空 ?」
我問佢做咩咁突然放咁耐假
佢沈默咗一陣，笑住講「我呢5個月一直陪我爸爸，佢上個月離開咗喇」
Ryan形容同佢同爸爸嘅感情係「淡如水」
兩父子拍埋一齊就好似「正極」同「正極」咁，一拍即彈
好則就口部動粗 (講粗口)，壞則手、口都動粗
佢20歲左右去咗日本留學，上機當日都可以同佢爸爸喺離機大堂嘈一鑊先上機
讀完書返香港，佢因為媽媽嘅關係，每星期都會返家探兩老
但同爸爸嘅關係依舊係都係咁惡劣，每次探佢地，只都打招呼
直至半年前，佢爸爸發現有cancer
佢話有一次去醫院探佢，喺門口聽到佢問姑娘
「姑娘呀，你有冇空氣清新劑或香燻之類嘅嘢 ? 我個仔由細到大都好憎醫院果陣味，佢細個果陣我都可以用糖嚟氹佢姐....」
ryan 聽到呢番說話，個心痛到好似瞓喺釘床一樣
果一刻佢唔夠膽入病房，因為佢覺得自己好醜惡
之後佢即時向公司辭職，想用時間買回呢份親情
幸好佢公司以 "停薪留職" 方式俾佢放假
佢話呢4個幾月每日都陪住爸爸，每日都有講唔完嘅話題
佢笑言呢4個月所講嘅嘢加加埋埋仲多過之前嗰34年
面對死亡，佢爸爸選擇咗用積極嘅態度面對
佢爸爸成日都話「即使我面對死亡，我唔覺得恐懼同黑暗，因為我身邊有兩個太陽」
佢爸爸將佢兩母子形容成太陽
ryan 話佢爸爸去得好安詳，離留果一刻佢同媽媽都陪伴住
唯一遺憾係佢爸爸未能夠睇到 "紀曉嵐" 大結局
聽後感 :
「家家有本難諗的經」好難明白點解ryan對佢爸爸呢種 "恨" 可以咁根深柢固。
最終沈痛嘅代價令佢放低對爸爸幾十年嘅 " 恨"
「哀哀父母，生我劬勞，欲報之恩，昊天罔亟」「樹欲靜而風不息；子欲養而親不在。」
這麼恆常的道理，真的是易明難做嗎？
2010年1月26日星期二
誠實鏡子
靖甄開始步入兩歲，由懷孕到宜家呢三年，喺靖甄身上親身感受到
人嘅各種能力係點樣遵循大自然安排嘅某種確實次序去生長
各種第一次都會帶俾我莫大嘅喜悅
教育過程雖然真係好勞累好辛苦
但付出嘅同時亦得到最美好嘅報償
兩歲嘅靖甄開始建立佢自己嘅性格
我同老公都覺得靖甄嘅靖甄偏向似我
冇錯，係mini 版嘅我
做咗咁多年人，當然清楚知道自己嘅缺點係d咩
但知道還知道，你未必感受到接收者嘅感覺
試過靖甄學我講嘢
佢用用同一種神情、語氣、態度講同一番說話嘅時候
我不禁問自己 "乜我真係咁嫁?"
好多時習慣性用自己認為正確嘅方式去待人接物
久而久之將呢種習慣性變得合理化
合理化後再進化成 " 寬己嚴人"
家庭教育係人嘅一生教育嘅起點同基礎
呢一面誠實鏡子嘅出現
令我明白 " 身教 " 係教育好下一代嘅伯樂
人嘅各種能力係點樣遵循大自然安排嘅某種確實次序去生長
各種第一次都會帶俾我莫大嘅喜悅
教育過程雖然真係好勞累好辛苦
但付出嘅同時亦得到最美好嘅報償
兩歲嘅靖甄開始建立佢自己嘅性格
我同老公都覺得靖甄嘅靖甄偏向似我
冇錯，係mini 版嘅我
做咗咁多年人，當然清楚知道自己嘅缺點係d咩
但知道還知道，你未必感受到接收者嘅感覺
試過靖甄學我講嘢
佢用用同一種神情、語氣、態度講同一番說話嘅時候
我不禁問自己 "乜我真係咁嫁?"
好多時習慣性用自己認為正確嘅方式去待人接物
久而久之將呢種習慣性變得合理化
合理化後再進化成 " 寬己嚴人"
家庭教育係人嘅一生教育嘅起點同基礎
呢一面誠實鏡子嘅出現
令我明白 " 身教 " 係教育好下一代嘅伯樂
2010年1月15日星期五
地球暖化、水浸眼眉
地球先生已經積勞成疾、百病纏身
喺缺乏地球人嘅關懷下
呢一位長期病患者開始變得臭脾氣
抱住『橫死掂死、不如攬住一齊死』嘅心態
你可以頂得住十次金融海嘯
但一定頂唔住一次比一次恐怖嘅天災
我呢粒渺小如塵嘅地球人未必可以拯救到地球先生
但我可以略盡綿力去幫有需要嘅人
海地嘅災民等緊我哋對佢哋嘅祝福
『施比受、更有福』
我做到，您同樣做到
香港紅十字會
http://www.redcross.org.hk/tc/disasterrelief_prepard/appeal_update_detail.html?year=2010&id=671
無國界醫生
http://www.msf.org.hk/public/contents/news?ha=&wc=0&hb=&hc=&revision%5fid=49611&item%5fid=49568
宣明會
http://www.worldvision.org.hk/Appeal/Haiti/emer_frame.html
樂施會
http://www.oxfam.org.hk/public/contents/press?ha=&wc=0&hb=&hc=&revision_id=73970&item_id=73951
香港救世軍
http://www.salvation.org.hk/chq/crd/Press/2010/20100114b_chi.html
聯合國兒童基金會
http://www.unicef.org.hk/docs/new/c/list_detail.php?id=281
喺缺乏地球人嘅關懷下
呢一位長期病患者開始變得臭脾氣
抱住『橫死掂死、不如攬住一齊死』嘅心態
你可以頂得住十次金融海嘯
但一定頂唔住一次比一次恐怖嘅天災
我呢粒渺小如塵嘅地球人未必可以拯救到地球先生
但我可以略盡綿力去幫有需要嘅人
海地嘅災民等緊我哋對佢哋嘅祝福
『施比受、更有福』
我做到，您同樣做到
香港紅十字會
http://www.redcross.org.hk/tc/disasterrelief_prepard/appeal_update_detail.html?year=2010&id=671
無國界醫生
http://www.msf.org.hk/public/contents/news?ha=&wc=0&hb=&hc=&revision%5fid=49611&item%5fid=49568
宣明會
http://www.worldvision.org.hk/Appeal/Haiti/emer_frame.html
樂施會
http://www.oxfam.org.hk/public/contents/press?ha=&wc=0&hb=&hc=&revision_id=73970&item_id=73951
香港救世軍
http://www.salvation.org.hk/chq/crd/Press/2010/20100114b_chi.html
聯合國兒童基金會
http://www.unicef.org.hk/docs/new/c/list_detail.php?id=281
2010年1月13日星期三
午餐裡的午餐肉
2010年1月13日 (星期三)
成日都得我一個看守公司
以前我覺得"彈性午餐時間"
係我最大最筍嘅員工福利
早d食唔洗同人逼之餘
又可以他他條條嘆午餐
但而家即使避得到d 上班一族
始終都避唔到我國同胞 ---- 自由行 ≧﹏≦
今日12點單拖去 city'super 食泰國嘢
冇乜人仲俾我搵到張有seaview嘅枱
心諗 『爽死喇』
原本可以休閒咁嘆我呢個午餐
突然有一團自由行往我呢邊方便殺埋嚟
冇錯，有11條活生生嘅同胞坐滿我隔籬三張4人枱
佢哋搵到位又嘈一輪
邊條友坐邊個位又嘈一輪
討論食乜好又嘈一輪
飲d乜又嘈一輪
邊個負責買嘢又嘈一輪
邊個俾錢都嘈一輪
如事者都嘈乸咗15分鐘≧︿≦
或者我今日心情好
唔係我一定勁啤之餘
仲會對佢哋加上無限祝福 『xyzzz!^^$xyzzz^&*』
終於等到佢哋開飯
佢哋個個都不顧儀態起勢係咁 "o趙"
呢種氣氛令我頓時覺得自己好似處身於
某某省份某某工廠嘅飯堂咁◑０◐
而我就係其中一個 line妹
其中有位亞叔唔知講咗d乜
有個亞嬸就答佢『你要不要? 我開給你』
其他人就和應『沒關係！開啦』
我心諗開乜蕉呢？
跟住果個亞嬸响佢個 LV袋度拎出......
hahaaaaaaaaaaaaa ∪▂∪
兩罐 "長城牌午餐肉"
好豪咁打開罐午餐肉即場分配
而我八卦嘅行為俾佢哋發現咗 ●﹏●
突然有一位亞叔同我講
『小妹妹, 你要不要吃一點呀』
我當然禮貌地回應『不用啦，謝謝您』
有時覺得我國同胞雖然行為言語比較粗鄙
但佢哋直率唔裝作嘅性格
响唔影響到人嘅時候都確實幾可愛<(￣︶￣)>
成日都得我一個看守公司
以前我覺得"彈性午餐時間"
係我最大最筍嘅員工福利
早d食唔洗同人逼之餘
又可以他他條條嘆午餐
但而家即使避得到d 上班一族
始終都避唔到我國同胞 ---- 自由行 ≧﹏≦
今日12點單拖去 city'super 食泰國嘢
冇乜人仲俾我搵到張有seaview嘅枱
心諗 『爽死喇』
原本可以休閒咁嘆我呢個午餐
突然有一團自由行往我呢邊方便殺埋嚟
冇錯，有11條活生生嘅同胞坐滿我隔籬三張4人枱
佢哋搵到位又嘈一輪
邊條友坐邊個位又嘈一輪
討論食乜好又嘈一輪
飲d乜又嘈一輪
邊個負責買嘢又嘈一輪
邊個俾錢都嘈一輪
如事者都嘈乸咗15分鐘≧︿≦
或者我今日心情好
唔係我一定勁啤之餘
仲會對佢哋加上無限祝福 『xyzzz!^^$xyzzz^&*』
終於等到佢哋開飯
佢哋個個都不顧儀態起勢係咁 "o趙"
呢種氣氛令我頓時覺得自己好似處身於
某某省份某某工廠嘅飯堂咁◑０◐
而我就係其中一個 line妹
其中有位亞叔唔知講咗d乜
有個亞嬸就答佢『你要不要? 我開給你』
其他人就和應『沒關係！開啦』
我心諗開乜蕉呢？
跟住果個亞嬸响佢個 LV袋度拎出......
hahaaaaaaaaaaaaa ∪▂∪
兩罐 "長城牌午餐肉"
好豪咁打開罐午餐肉即場分配
而我八卦嘅行為俾佢哋發現咗 ●﹏●
突然有一位亞叔同我講
『小妹妹, 你要不要吃一點呀』
我當然禮貌地回應『不用啦，謝謝您』
有時覺得我國同胞雖然行為言語比較粗鄙
但佢哋直率唔裝作嘅性格
响唔影響到人嘅時候都確實幾可愛<(￣︶￣)>
失敗咗 ..... 樂基幼稚園
2010年1月11日 (星期一)
等咗成個月，今日終於有結果喇
係waiting list (︶︿︶)(︶︿︶)(︶︿︶)
結果同我預期嘅一樣 , 失望就梗有嫁啦
幸好我有無限嘅亞Q精神
由開始參與呢類型面試
我都不斷同自己、老公洗腦 ●﹏●
面試等於遊戲
能夠Offer要靠天時地行人和
Waiting List 就係安慰獎
Rejected 係預期結果
我哋兩公婆經過日以繼夜嘅洗腦
今次望住呢封咁殘酷嘅信
只係唔開心咗數分鐘
大家一致得出呢個結論, 就係.....
『樂基，你走寶∪︿∪ 你唔識貨∪︿∪』
等咗成個月，今日終於有結果喇
係waiting list (︶︿︶)(︶︿︶)(︶︿︶)
結果同我預期嘅一樣 , 失望就梗有嫁啦
幸好我有無限嘅亞Q精神
由開始參與呢類型面試
我都不斷同自己、老公洗腦 ●﹏●
面試等於遊戲
能夠Offer要靠天時地行人和
Waiting List 就係安慰獎
Rejected 係預期結果
我哋兩公婆經過日以繼夜嘅洗腦
今次望住呢封咁殘酷嘅信
只係唔開心咗數分鐘
大家一致得出呢個結論, 就係.....
『樂基，你走寶∪︿∪ 你唔識貨∪︿∪』
2010年1月2日 - 靖甄兩歲喇
2010年1月2日 (星期六)
♡♡♡♡♡♡♡♡♡♡♡♡♡♡♡♡♡♡
heheeee<(￣︶￣)> 靖甄今日兩歲喇
原本打算今日帶佢去Disneyland
但佢尚在康復階段
所以我同老公決定將呢個計劃延遲
安安靜靜咁响屋企渡過呢個生日
其實我都覺得幾掃興╮(╯▽╰)╭
原本安排晒嘅節目都要取消
加上醫生話呢段期間靖甄要食得清淡
所以連生日蛋糕佢得冇得食
但唔緊要啦，爸爸媽媽一定會補返晒俾您
靖甄 ! Happy Birthday
♡♡♡♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡♡♡♡
heheeee<(￣︶￣)> 靖甄今日兩歲喇
原本打算今日帶佢去Disneyland
但佢尚在康復階段
所以我同老公決定將呢個計劃延遲
安安靜靜咁响屋企渡過呢個生日
其實我都覺得幾掃興╮(╯▽╰)╭
原本安排晒嘅節目都要取消
加上醫生話呢段期間靖甄要食得清淡
所以連生日蛋糕佢得冇得食
但唔緊要啦，爸爸媽媽一定會補返晒俾您
靖甄 ! Happy Birthday
♡♡♡♡♡♡♡♡♡♡♡♡♡♡♡♡♡♡
2010年的第一件喜事
2010年1月1日 (星期五)
前一晚用咗4個鐘將間屋進行大消毒同清潔
攰到四肢都冇晒知覺(╯_╰) 即使今朝晨咁早六點起身
我仍然覺得額外醒神(￣ˇ￣) 因為今日靖甄出院喇
去醫院之前，我特別為靖甄、老公準備2010年第一份早餐
期間我收到我老公嘅電話 ☏
電話中傳出一把好甜美嘅聲音
☏ 『媽媽早晨 ! 我要包包, 糖糖! 甄甄飲咗水水喇』
喺毫無心理準備下聽到呢番說話
又要發揮我嘅強項喇 ╥﹏╥
我╥﹏╥住得靖甄講 『媽媽知道喇 ! 媽媽好快會嚟』
去到病房，已經見到靖甄响張床度玩
仲一口氣食咗半個佢至愛嘅提子包
我亦為老公遞上一杯吊命嘅熱奶茶
老公面上不禁刻上 『無言感激』呢四個字
2010年就喺呢個充滿希望、充滿愛嘅環境下開始
前一晚用咗4個鐘將間屋進行大消毒同清潔
攰到四肢都冇晒知覺(╯_╰) 即使今朝晨咁早六點起身
我仍然覺得額外醒神(￣ˇ￣) 因為今日靖甄出院喇
去醫院之前，我特別為靖甄、老公準備2010年第一份早餐
期間我收到我老公嘅電話 ☏
電話中傳出一把好甜美嘅聲音
☏ 『媽媽早晨 ! 我要包包, 糖糖! 甄甄飲咗水水喇』
喺毫無心理準備下聽到呢番說話
又要發揮我嘅強項喇 ╥﹏╥
我╥﹏╥住得靖甄講 『媽媽知道喇 ! 媽媽好快會嚟』
去到病房，已經見到靖甄响張床度玩
仲一口氣食咗半個佢至愛嘅提子包
我亦為老公遞上一杯吊命嘅熱奶茶
老公面上不禁刻上 『無言感激』呢四個字
2010年就喺呢個充滿希望、充滿愛嘅環境下開始
09年的除夕夜
2009年12月31日 (星期五)
一家三口响醫院食過除夕晚飯後~。。。(~￣▽￣)~
我意圖賴死唔走⊙︿⊙
可惜老公堅持要我早d返屋企休息 ≧.≦
沿路上 , 每一個人都笑到烚熟狗頭咁
對比之下 , 心裡面有d酸溜溜 ╥﹏╥
突然見到我眼前出現一道曙光 (￣ˇ￣)
冇錯......係我心愛嘅 "炒栗子" ♥♥♥
栗子嬸嬸滿面笑容向我遞上一袋栗子
仲額外贈送我一句 『新年快樂! 身體健康! 』
真係有一種雪中送炭嘅感覺 ★.★
我揸住呢包熱辣辣充滿正能量嘅栗子
內心真係好溫暖 , 更覺得我頭頂上有太陽伯伯照住我
冇錯 ! 我冇理由咁蠢將2009年嘅衰氣帶到2010年
我要開開心心迎接新一年, 2010 我嚟啦 !
一家三口响醫院食過除夕晚飯後~。。。(~￣▽￣)~
我意圖賴死唔走⊙︿⊙
可惜老公堅持要我早d返屋企休息 ≧.≦
沿路上 , 每一個人都笑到烚熟狗頭咁
對比之下 , 心裡面有d酸溜溜 ╥﹏╥
突然見到我眼前出現一道曙光 (￣ˇ￣)
冇錯......係我心愛嘅 "炒栗子" ♥♥♥
栗子嬸嬸滿面笑容向我遞上一袋栗子
仲額外贈送我一句 『新年快樂! 身體健康! 』
真係有一種雪中送炭嘅感覺 ★.★
我揸住呢包熱辣辣充滿正能量嘅栗子
內心真係好溫暖 , 更覺得我頭頂上有太陽伯伯照住我
冇錯 ! 我冇理由咁蠢將2009年嘅衰氣帶到2010年
我要開開心心迎接新一年, 2010 我嚟啦 !
2010年1月12日星期二
靖甄在醫院裡的日子
2009年12月31日 (星期四)
凌晨四點撻落床, 六點鐘鬧鐘響咗
一起身已經感覺到自己狀態唔多掂
下意識地衝入toilet ...... 嘔
唔通俾靖甄傳染倒 ?
毫無體力嘅我, 唯有用意志撐住
不斷同自己講『無事嘅, 係幻覺』
梳洗過後打算出門之際
又嘔多一鑊..... 唉
抖咗一陣再勉勵自己三聲 "加油"
龜速地出門口
去到醫院，我細細聲咁打開門
見到爸爸坐响靖甄身邊
前晚嘅煎熬令靖甄落晒形
但仍然用佢嘅招牌笑容對我笑, 叫我一聲媽媽
老公話靖甄尋晚只係嘔咗一次
但d護士成日入嚟check佢, 搞到佢冇覺好瞓
之後我叫老公返去梳洗
而我就刻意唔講我唔舒服
因為唔想佢又要擔心多一個
九點左右，媽媽同老公分別到醫院
或者我面色真係好難睇, 佢哋估到我唔舒服
叫我快d返屋企睇醫生同休息
但咁早診所又未開, 我索性返屋企休息 zzzzzzz
瞓咗兩粒鐘... 依然覺得好唔舒服
但我一定要起身煲白粥俾靖甄食
嘩, 由睡房行去廚房果條路就好似長城咁長
辛苦到忍唔住喊咗出嚟
去到醫院已經中午十二點半
老公話今朝醫生同靖甄檢查
話佢有輕微發燒, 情況尚算理想
因為暫時唔可以食固體食物嘅關係
仍需要吊鹽水 , 而靖甄嘅心情就好差，
郁d就喊, 成日都話要落床......
我唯有幫佢推住落吊鹽水嘅 "嫁餐" 陪佢周圍行
靖甄落地第一時間就係走出去走廊攞圖書睇
最搞笑係佢吊鹽水果隻手嘅手掌用咗塊板嚟固定位置
佢就成日扮聽電話不停講『喂! 喂! 喂! 喺邊呀? 』
婆婆話俾佢笑死
直至4點左右，醫生話可以嘗試唔需要吊鹽水
安全起見勸我哋聽朝先好出院
估唔到我哋一家人要喺醫院度食除夕晚飯
而靖甄都開始肯食嘢, 大約7:30pm
老公已經催促我返屋企, 佢叫我早d休息
正因為今曰係除夕夜, 我好想留耐d
但老公話我哋要好好休息, 唔可以病倒
我哋要留住條命照顧靖甄
回家時, 沿路上好熱鬧，但我就好寂寞
個個都開開心心去慶祝、去count down
而我就得自己一個.............
我唔想再嘗試呢種滋味
凌晨四點撻落床, 六點鐘鬧鐘響咗
一起身已經感覺到自己狀態唔多掂
下意識地衝入toilet ...... 嘔
唔通俾靖甄傳染倒 ?
毫無體力嘅我, 唯有用意志撐住
不斷同自己講『無事嘅, 係幻覺』
梳洗過後打算出門之際
又嘔多一鑊..... 唉
抖咗一陣再勉勵自己三聲 "加油"
龜速地出門口
去到醫院，我細細聲咁打開門
見到爸爸坐响靖甄身邊
前晚嘅煎熬令靖甄落晒形
但仍然用佢嘅招牌笑容對我笑, 叫我一聲媽媽
老公話靖甄尋晚只係嘔咗一次
但d護士成日入嚟check佢, 搞到佢冇覺好瞓
之後我叫老公返去梳洗
而我就刻意唔講我唔舒服
因為唔想佢又要擔心多一個
九點左右，媽媽同老公分別到醫院
或者我面色真係好難睇, 佢哋估到我唔舒服
叫我快d返屋企睇醫生同休息
但咁早診所又未開, 我索性返屋企休息 zzzzzzz
瞓咗兩粒鐘... 依然覺得好唔舒服
但我一定要起身煲白粥俾靖甄食
嘩, 由睡房行去廚房果條路就好似長城咁長
辛苦到忍唔住喊咗出嚟
去到醫院已經中午十二點半
老公話今朝醫生同靖甄檢查
話佢有輕微發燒, 情況尚算理想
因為暫時唔可以食固體食物嘅關係
仍需要吊鹽水 , 而靖甄嘅心情就好差，
郁d就喊, 成日都話要落床......
我唯有幫佢推住落吊鹽水嘅 "嫁餐" 陪佢周圍行
靖甄落地第一時間就係走出去走廊攞圖書睇
最搞笑係佢吊鹽水果隻手嘅手掌用咗塊板嚟固定位置
佢就成日扮聽電話不停講『喂! 喂! 喂! 喺邊呀? 』
婆婆話俾佢笑死
直至4點左右，醫生話可以嘗試唔需要吊鹽水
安全起見勸我哋聽朝先好出院
估唔到我哋一家人要喺醫院度食除夕晚飯
而靖甄都開始肯食嘢, 大約7:30pm
老公已經催促我返屋企, 佢叫我早d休息
正因為今曰係除夕夜, 我好想留耐d
但老公話我哋要好好休息, 唔可以病倒
我哋要留住條命照顧靖甄
回家時, 沿路上好熱鬧，但我就好寂寞
個個都開開心心去慶祝、去count down
而我就得自己一個.............
我唔想再嘗試呢種滋味
靖甄在醫院的第一天
2009年12月30日 (星期三)
眼見靖甄嘔得咁辛苦
所以決定帶佢入醫院
"拿拿林" 拎針卡、執咗d日用品、衫仔
去到仁安醫院嘅晚間急証門診
我仲以為司機大佬車咗我去威爾斯(⊙＿⊙)
做乜咁Q多人(￣▽￣)"
可能護士見到靖甄情況比較嚴重
安排我哋輪候緊急病症果條line
等咗30分鐘左右就有得見醫生
醫生check過後
話聽到靖甄d腸郁得好厲害
加上又不停咁嘔
已經開始嚴重脫水
要立刻安排入院觀察 & 吊鹽水
當晚算好彩, 兒科病房剩返一張兩人病房嘅床位
辦好入院手續後上到7樓
兒科醫生已經等緊我哋
嚴醫生好nice 好好人
靖甄亦好叻冇喊到
之後護士話要幫靖甄抽血 & 吊鹽水
靖甄瞓响張床後 , 叫我同老公幫手 "禁" 住靖甄
可惜試咗一次結果失敗咗
護士話因為靖甄d血管太幼, 加上缺水
佢話唔想再試又失敗
所以call 返嚴醫生嚟幫靖甄抽血 & 吊鹽水
可能嚴醫生怕我接受唔到
佢叫我响出面等, 老公就留低
企响門外等真係一秒一驚心
過一秒就好似一個鐘咁耐
15分鐘後..... 爸爸抱住靖甄出嚟
靖甄一邊喊一邊同醫生講
『唔該晒 bye bye』o(︶︿︶)o
醫生同護士都俾佢呢返說話引到大笑
入到病房已經凌晨1點
因為另一張床嘅小朋友係爸爸陪瞓
所以留守喺醫院陪瞓嘅責任要交俾老公
而我等到靖甄瞓著咗先返屋企
返到屋企已經凌晨兩點半
沖涼後瞓响張床度突然覺得好陌生
身邊冇咗靖甄、冇咗老公一齊瞓
好可怕好可怕 Σ( ° △ °)︴
眼見靖甄嘔得咁辛苦
所以決定帶佢入醫院
"拿拿林" 拎針卡、執咗d日用品、衫仔
去到仁安醫院嘅晚間急証門診
我仲以為司機大佬車咗我去威爾斯(⊙＿⊙)
做乜咁Q多人(￣▽￣)"
可能護士見到靖甄情況比較嚴重
安排我哋輪候緊急病症果條line
等咗30分鐘左右就有得見醫生
醫生check過後
話聽到靖甄d腸郁得好厲害
加上又不停咁嘔
已經開始嚴重脫水
要立刻安排入院觀察 & 吊鹽水
當晚算好彩, 兒科病房剩返一張兩人病房嘅床位
辦好入院手續後上到7樓
兒科醫生已經等緊我哋
嚴醫生好nice 好好人
靖甄亦好叻冇喊到
之後護士話要幫靖甄抽血 & 吊鹽水
靖甄瞓响張床後 , 叫我同老公幫手 "禁" 住靖甄
可惜試咗一次結果失敗咗
護士話因為靖甄d血管太幼, 加上缺水
佢話唔想再試又失敗
所以call 返嚴醫生嚟幫靖甄抽血 & 吊鹽水
可能嚴醫生怕我接受唔到
佢叫我响出面等, 老公就留低
企响門外等真係一秒一驚心
過一秒就好似一個鐘咁耐
15分鐘後..... 爸爸抱住靖甄出嚟
靖甄一邊喊一邊同醫生講
『唔該晒 bye bye』o(︶︿︶)o
醫生同護士都俾佢呢返說話引到大笑
入到病房已經凌晨1點
因為另一張床嘅小朋友係爸爸陪瞓
所以留守喺醫院陪瞓嘅責任要交俾老公
而我等到靖甄瞓著咗先返屋企
返到屋企已經凌晨兩點半
沖涼後瞓响張床度突然覺得好陌生
身邊冇咗靖甄、冇咗老公一齊瞓
好可怕好可怕 Σ( ° △ °)︴
可怕的回憶 ~ 諾沃克病毒(≧◇≦)
2009年12月30日 (星期三)
今日媽媽病咗，所以我要留守家中照顧靖甄
亦意味著我要迎接這惡夢 ╮(╯_╰)╭
今日靖甄瞓醒晏覺後
依然有食有玩, 毫無異樣
大約5點左右, 當我 "較水" 準備同佢沖涼
佢突然吐咗一篤水出嚟
我都冇為意, 仲以為佢玩水
我仲話佢「乜你咁百厭」
5分鐘之後，佢又再嘔咗一灘水出嚟
我先發現佢應該係嘔
講真，咁耐以嚟
我只係見過佢bb嗰陣嘔奶╮(╯_╰)╭
之後每隔10-15分鐘就嘔一次
我見佢好似嘔得越嚟越嚴重
真係好怯，即時call 亞E 過嚟
再急call 老公快d收工
老公收工後先去診所掛號
嘩 ! 要等16個，預 7點左右先輪到靖甄
等候期間靖甄已經嘔咗3次
入去見醫生嗰陣都有嘔
一共嘔咗13次
醫生診斷靖甄應該係患上腸病毒
現階段食唔倒藥，因為一定會嘔返晒出嚟
唯有用肛塞嘅止嘔藥
同埋飲返d電解質嘅沖劑保充返水份
但醫生話靖甄已經有輕微脫水
叫我哋好好留意
因為頭二十四小時好重要
返到屋企塞過止嘔藥後
情況好似冇乜進展
靖甄不停話要飲水
飲完冇5分鐘又嘔返晒出嚟
我同靖甄講『你想嘔記住要講』
佢只係不斷重複『唔愛! 唔要嘔』
但每當佢想嘔嗰陣
靖甄會講『嘩! 好驚呀, 驚驚呀』︽⊙＿⊙︽
我就知道佢嚟料 !
嘔咗廿幾次加上食唔倒嘢
我知道佢真係好攰好辛苦
第一次體驗嘔, 一嘔要嘔廿幾次
瞓著都照嘔 ....
佢嘔濕晒成個枕頭都唔知
眼見佢咁辛苦, 我亦唔敢再拖
我作出一個重要決定
就係帶靖甄入醫
今日媽媽病咗，所以我要留守家中照顧靖甄
亦意味著我要迎接這惡夢 ╮(╯_╰)╭
今日靖甄瞓醒晏覺後
依然有食有玩, 毫無異樣
大約5點左右, 當我 "較水" 準備同佢沖涼
佢突然吐咗一篤水出嚟
我都冇為意, 仲以為佢玩水
我仲話佢「乜你咁百厭」
5分鐘之後，佢又再嘔咗一灘水出嚟
我先發現佢應該係嘔
講真，咁耐以嚟
我只係見過佢bb嗰陣嘔奶╮(╯_╰)╭
之後每隔10-15分鐘就嘔一次
我見佢好似嘔得越嚟越嚴重
真係好怯，即時call 亞E 過嚟
再急call 老公快d收工
老公收工後先去診所掛號
嘩 ! 要等16個，預 7點左右先輪到靖甄
等候期間靖甄已經嘔咗3次
入去見醫生嗰陣都有嘔
一共嘔咗13次
醫生診斷靖甄應該係患上腸病毒
現階段食唔倒藥，因為一定會嘔返晒出嚟
唯有用肛塞嘅止嘔藥
同埋飲返d電解質嘅沖劑保充返水份
但醫生話靖甄已經有輕微脫水
叫我哋好好留意
因為頭二十四小時好重要
返到屋企塞過止嘔藥後
情況好似冇乜進展
靖甄不停話要飲水
飲完冇5分鐘又嘔返晒出嚟
我同靖甄講『你想嘔記住要講』
佢只係不斷重複『唔愛! 唔要嘔』
但每當佢想嘔嗰陣
靖甄會講『嘩! 好驚呀, 驚驚呀』︽⊙＿⊙︽
我就知道佢嚟料 !
嘔咗廿幾次加上食唔倒嘢
我知道佢真係好攰好辛苦
第一次體驗嘔, 一嘔要嘔廿幾次
瞓著都照嘔 ....
佢嘔濕晒成個枕頭都唔知
眼見佢咁辛苦, 我亦唔敢再拖
我作出一個重要決定
就係帶靖甄入醫
媽媽病倒了
2009年12月29日(星期二)
今日下年5:30左右，媽咪打俾我
媽咪 : 你今晚可唔可以早少少返嚟
我 : 可以！發生咗咩事
媽咪 : 我唔舒服，又痾又嘔
我 : 得得得，我會盡快返嚟
我立即收拾枱上嘅工作
9秒9 "飛的" 返屋企
打開門，見到媽咪面青口唇白坐响 sofa度
完全感覺到佢真係超級辛苦
我有少少嬲嬲哋, 衝口而出講咗一句
"點解你唔早d 同我講你唔舒服呢? "
我承認自己講錯說話, 用錯字眼
但我真係好心痛好心痛......
我當然明白媽媽的用心
佢唔想影響我嘅工作
亦怕我早退會俾倒麻煩我
所以即使幾唔舒服都好
佢都會死撐落去
我又點會唔明佢用心良苦 ?
隨之而起內裡不禁萬分內疚
今日下年5:30左右，媽咪打俾我
媽咪 : 你今晚可唔可以早少少返嚟
我 : 可以！發生咗咩事
媽咪 : 我唔舒服，又痾又嘔
我 : 得得得，我會盡快返嚟
我立即收拾枱上嘅工作
9秒9 "飛的" 返屋企
打開門，見到媽咪面青口唇白坐响 sofa度
完全感覺到佢真係超級辛苦
我有少少嬲嬲哋, 衝口而出講咗一句
"點解你唔早d 同我講你唔舒服呢? "
我承認自己講錯說話, 用錯字眼
但我真係好心痛好心痛......
我當然明白媽媽的用心
佢唔想影響我嘅工作
亦怕我早退會俾倒麻煩我
所以即使幾唔舒服都好
佢都會死撐落去
我又點會唔明佢用心良苦 ?
隨之而起內裡不禁萬分內疚
訂閱：
文章 (Atom)